12 Jeltoqsan, 18:28 526 0 Jańalyqtar Asyl TUMAR

Baılar da jylaıdy: olıgarhtar áleýmettik járdemaqy alady

Ataýly áleýmettik kómekke qatysty jańa zańǵa sáıkes endi kópbalaly olıgarhtar da járdemaqy alady. Bul týraly Eńbek jáne halyqty áleýmettik qorǵaý mınıstri Birjan Nurymbetov málimdedi. 

«Qoǵamdyq salada áleýmettik tólemderge qatysty ádildikti saqtap otyrý asa qıyn. Máselen, «baılar da kópbalaly januıaǵa tólenetin járdemaqy alatyny qalaı?» deıtin pikirler bar. Olardy bul tizimnen bólý kerek dep jatyr. Qansha teńgesi bar adamdy baı deımiz? Kedeı degenge kimder jatady? Bul ońaı sharýa emes. Eń tómen kúnkóris degen uǵym bar, onyń 70 paıyzy kedeılik sheginde. Osy kórsetkish negizinde belgilep otyrmyz. Qarasha halyqpen kóp kezdesemin, janyń ashıdy. AÁK shegi – 20 789 teńge. Tabysy osy somadan 100 teńge asyp ketse ataýly kómek ala almaıdy. Ao ol adamnyń baıǵa jatpaıtynyn adam retinde túsinip otyrmyz. Biraq, zań solaı. Sondyqtan shekti qoımaıyqshy dedik. Sóıtip kópbalaly otbasylarǵa  járdemaqy engizdik. Endi «olıgarhtar da járdemaqy ala ma?» degen suraq týyndap otyr. Endi qaıtemiz? Meniń eki-úsh áriptesim kópbalaly mınıstr. Olar menen «Biz de alamyz ba?» dep suraıdy. «Zań boıynsha alýǵa quqylysyz. Biraq eldiń patrıoty retinde ótinishińizdi bermeı-aq qoıatyn shyǵarsyz" dep qaljyńdap qoıamyn», – dep túsindirdi mınıstr.

Sońǵy jańalyqtar