12 Jeltoqsan, 12:51 797 0 Rýhanııat Túrkistan Gazeti

«Uly dalanyń ultaralyq tili» atty forým ótti

«Qazaqstan halqy Assambleıasy Táýelsizdik kúni qarsańynda «Uly dalanyń ultaralyq tili» atty respýblıkalyq forým ótkizdi. Forýmnyń maqsaty – Qazaqstan halqynyń 30 paıyzyn quraıtyn basqa ulttardyń qazaq tilin – memlekettik tildi ultaralyq til retinde qoldanyp jatqanyn kórsetý. Osyǵan oraı qazaq tilin jetik meńgergen orys, ýkraın, polıak, eston, kúrd, kárister 14 oblystan jáne Nur-Sultan, Almaty, Shymkent qalalarynan kelip otyr», - dedi Qazaqstan halqy Assambleıasy tóraǵasynyń orynbasary – Hatshylyq meńgerýshisi Janseıit Túımebaev.

Janseıit Túımebaevtyń aıtýyna qaraǵanda, Qazaqstan halqy Assambleıasynyń búgingi forýmy tek qazaq tilinde ótedi.

«Osy oraıda aıtpaǵym: Elbasymyzdyń «Elge degen kózqaras – tilge degen kózqaras» degen sózin atap ótkim keledi. Sondyqtan, memleketimizde ómir súrip jatqan barlyq ulttyń qazaq tilin – memlekettik til esebinde, ultaralyq til esebinde qoldanatyn kezi jetti. Prezıdentimiz Qasym-Jomart Kemeluly Toqaev Qazaqstan halqyna Joldaýynda «qazaq tili taıaý keleshekte ultaralyq til retinde qyzmet atqarýy qajet» degen sózin eske salsam deımin. Mine, osy jumystardyń júzege asa bastaǵanyn kórsetý maqsatynda osyndaı forýmdy birinshi ret uıymdastyryp otyrmyz», - dep atap ótti. Forým barysynda ózge ult ókilderi qazaq tilin áleýmettik lıft dep baǵalap, ózgelerge úlgi kórsetti.

 

Sońǵy jańalyqtar