12 Jeltoqsan, 07:58 469 0 Óndiris Ásel ÁNÝARBEK

TMD-da teńdesi joq ónim

Elimizde TMD-da teńdesi joq qaldyqtardan energııa únemdeıtin ónim paıda boldy. Save Energy otandyq kompanııasy energııany únemdeý jáne ǵımarattardy jylytý úshin qazaqstandyq shıkizat pen qaldyqtardan jasalǵan ámbebap ónimdi usyndy.

Atalǵan joǵary tehnologııalyq jo­ba «Ónimdi ınnovaııalardy yntalandyrý» jobasy aıasynda Dúnıejúzilik bank pen Qazaqstan Úkimeti jelisi boıynsha grantty jeńip aldy, bul kompanııaǵa turaqty óndiriske shyǵýǵa múmkindik berdi. Save Energy vakýýmdyq oqshaýlaý pa­neliniń jobasy boıynsha ǵylymı keńesshi Eljan Orynbekov atalǵan ónim­niń biregeıligi týraly aıtyp berdi.

– Panel tek Qazaqstanda ǵana emes, bú­kil álemde qajet sıpattamalarǵa ıe. Bir materıalda birneshe qasıet bar: gıdroızolıaııa, shýdan oqshaýlaý, otqa tózimdilik, jylytý, energııa únemdeý. Iaǵnı, bireýinde beseý. Innovaııalyq ónim jylý oqshaýlaýy boıynsha basqa qurylys materıaldarymen salystyr­ǵan­da 6 ese joǵary, ornatýy ońaı, biraq eń bastysy, bul ekologııalyq taza, óıtkeni biz jylý oqshaýlaý paneliniń quramyn muqııat tańdadyq, – deıdi Eljan Orynbekov.

Bul tek Qazaqstanda ǵana emes, sonymen qatar barlyq TMD elderinde teńdesi joq materıal. Sondaı-aq otandyq ázir­leýshiler usynatyn ónim 100 paıyz qa­zaqstandyq. Ony óndirý úshin jergilikti shıkizat qana emes, qaldyqtar da paıdalanylady.

– Bizdiń joba Almatyda ótken baı­qaý­da «jyldyń úzdik ónimi» atalymynda jeńiske jetti. Ónim quny boıynsha stan­dartty jylý oqshaýlaǵysh materıaldardan 30 paıyzǵa qymbat, biraq bar­lyq bes sıpattamany eskere otyryp, onyń ózindik quny standartty mate­rıal­darǵa qaraǵanda 45 paıyzǵa tómen. Ónimniń ot­qa tózimdiligi de mańyzdy, óıt­keni qazir bul – qurylys materıalda­ryna qoıy­la­tyn negizgi talap, – dep atap ótti keńesshi.

 

Sońǵy jańalyqtar