12 Jeltoqsan, 09:25 400 0 Bilim Ásel ÁNÝARBEK

Oqý oryndaryna qoıylar talap kúsheımek

Nur-Sultan qalasynda Úkimet basshysynyń orynbasary Berdibek Saparbaevtyń tóraǵalyǵymen elimizdegi joǵary oqý oryndaryn ońtaılandyrý jónindegi komıssııanyń otyrysy ótti.

Jıynda vıe-premer Berdibek Saparbaev joǵary oqý ornyn bitirgen árbir tór­tin­shi túlektiń jumyssyz ekenin tilge tıek etti. «Memleket basshysy Qasym-Jomart Toqaev Úkimetke «dıplomdardy basyp shy­ǵaryp beretin keńselerge» aınalǵan joǵary oqý oryndaryna qatysty qatań sharalar qabyldaýdy tapsyrdy. Búginde elimizde 132 JOO jumys isteıdi, onyń 43 paıyzy – jekemenshik. Olarda 600 myńnan asa stýdent oqıdy, onyń ishinde 191 myńy memlekettik tapsyrys aıasynda bilim alady. Ókinishke qaraı, bilim berý sapasy týraly biz eńbekke ornalasý deńgeıi boıynsha ǵana tujyrym jasaı alamyz, árbir tórtinshi túlek – jumyssyz», – dedi Berdibek Mashbekuly.

Bilim jáne ǵylym mınıstri Ashat Aıma­ǵam­betov bıyl 34 JOO-da tekserý júrgizil­genin, onyń ishinde 22-si jospardan tys tek­serý bolǵanyn atap aıtty.  Tekserý nátı­jesinde bes joǵary oqý ornynyń lıenzııasy toqtatylyp, ákimshilik aıyppuldar salyndy, taǵy bes JOO boıynsha sheshimder qabyldanýda.

Otyrys barysynda tekserý kezinde ol­qy­lyqtar anyqtalǵan «Qaınar» akade­mııa­synyń, Qazaq eńbek jáne áleýmettik qaty­nastar akademııasynyń, Kaspıı qoǵamdyq ýnıversıtetiniń, «Almaty» ýnıversıtetiniń, Ortalyq Azııa ýnıversıtetiniń, Almaty ekonomıka jáne statıstıka akademııasy­nyń, Qazaq jol qatynastary ýnıversıteti­niń rektorlarynyń baıandamalary tyń­dal­dy. Aıta keteıik, mınıstrlik qazir JOO-lardyń basshylyǵymen birlesip oqý oryndaryn biriktirý nemese olardy kolledj retinde qaıta qurý máselelerin pysyqtaýda.

Keńesti qorytyndylaǵan vıe-premer: «Joǵary bilim berý sapasyn arttyrý – biz­diń elimizdiń básekege qabilettiligin qam­tamasyz etýdegi negizgi másele. Sondyqtan biz oǵan barynsha baıyppen qaraýymyz kerek. Bizge quzyreti tómen, suranysqa ıe emes ma­mandardy daıarlaıtyn ýnıversıtetter ne úshin qajet, jumyssyzdar qataryn kezekti ret kóbeıtý úshin be? Olarǵa qatysty lıenzııalaryn qaıtaryp alýǵa deıin óte qatań sharalar qoldanylatyn bolady», – dedi.

 

 

Sońǵy jańalyqtar