11 Jeltoqsan, 20:34 461 0 Jahan Anar LEPESOVA

Tramp Pýtınge AQSh-taǵy saılaýǵa aralaspaýdy eskertti

AQSh prezıdenti Donald Tramp Máskeýge AQSh-taǵy saılaý proesine aralaspaýdy eskertti jáne Reseıdi Ýkraınamen qarym-qatynasty retteýge shaqyrdy, dep habarlaıdy Ortalyq Azııanyń jańalyqtar qyzmeti. 

10 jeltoqsanda Vashıngtondaǵy Donald Tramp pen Reseıdiń syrtqy ister mınıstri Sergeı Lavrovpen kezdesýinen keıin Aq úı taratqan málimdemede osylaı dep jazylǵan.

Aq úı habarlamasyna sáıkes, Tramp "qarýlanýdy álem bolyp tıimdi basqarý saıasatyna" qoldaý bildirgen. Ol Máskeýdi AQSh-tyń ıadrolyq qarý jasaýǵa jol bermeý talpynysyn qoldaýǵa shaqyryp, Koreı túbegin qarýsyzdandyrýǵa atsalysýǵa úndegen.

Parıjdegi "norman tórttigi" sammıtinen keıin bir kún ótkennen keıin Lavrov Vashıngtonǵa baryp otyr.

10 jeltoqsanda Vashıngtonda AQSh memlekettik hatshysy Maık Pompeo Sergeı Lavrovpen kezdesken. Ekeýi de AQSh pen Reseı arasyndaǵy qarym-qatynasqa kedergi keltiretin mańyzdy suraqtardy qozǵaýǵa ynta bildirmegen. Olar halyqaralyq jáne eki memleket qarym-qatynasyna baılanysty birqatar máselelerdi atap aıtqanda, Soltústik Koreıany ıadrolyq qarýdan aryltý, Venesýeladaǵy bıliktiń aýysýy, Ýkraınadaǵy beıbitshilik jáne Reseıdiń 2016 jylǵy AQSh-taǵy saılaýǵa aralasýy jáne ózge máselerdi talqylaǵan.

Tegter Tramp Aq úı

Sońǵy jańalyqtar