11 Jeltoqsan, 18:13 599 0 Ekonomıka Anar LEPESOVA

Ártúrli sala qyzmetkerlerine orta eseppen 80 myń teńgeden syıaqy beriledi

Aqtóbe oblysynda jyl basynan beri 2176​ kásiporyndaǵy 75 myńnan asa jumysshynyń eńbekaqysy joǵarylaǵan, dep habarlady Aktobenews.kz.

Oblys ákimi iri kásiporyn dırektorlary jáne basqarma basshylarymen kezdesý ótkizdi. Baspasóz qyzmetiniń málimetinshe, aldaǵy merekelerde 33 myń adam orta eseppen 80 myń teńgeden syıaqy alady. Jalpy syıaqy qory 5 mlrd teńgeni qurap otyr. Óńir basshysy jaýapty tulǵalarǵa jumysshylardyń eńbekaqysyn qysqartpaýdy qatań tapsyrdy.

"Prezıdenttiń tapsyrmasyn oryndaý kerek, Aqtóbe oblysy aıtarlyqtaı ónerkásiptik áleýeti bar serpindi damyp kele jatqan óńir. Degenmen ortasha jalaqy respýblıkalyq deńgeıden tómen. Mańǵystaý, Atyraý jáne Batys Qazaqstan oblystarynda aılyq mólsheri bizdiń aımaqpen salystyrǵanda joǵary. Nátıjesinde bıýdjetke salyq túspeı, al bıznes damymaı otyr. Aınalyp kelgende bul jaǵdaıdyń barlyǵy áleýmettik jaǵdaıǵa áser etedi. Siz eńbek ónimdiligin arttyrasyz, jańa tehnologııalardy engizip paıda tabasyz", - dedi oblys ákimi Ońdasyn Orazalın.

Bıyl aımaqta 8787 ujymdyq sharttar jasalǵan. Olardyń 14 memlekettik mekemelermen, 37 iri kásiporyndarmen, 148 orta jáne iri kásiporyndar bolsa,  7120-shaǵyn kásipkerlik.

Tegter Mereke syıaqy

Sońǵy jańalyqtar