11 Jeltoqsan, 17:38 504 0 Jahan Anar LEPESOVA

“VPN”, “epıtet”, "Taqtar talasy": Qazaqstandyqtar Google-dan qandaı derekti kóp izdedi?

Bıyl qazaqstandyqtar jeliden qandaı derekti kóp izdedi?  Google kompanııasy jyldyń qorytyndysyn usyndy. 

Statıstıkalyq málimetterge sáıkes, Qazaqstan turǵyndary arasynda "Taqtar talasy" telehııakasynyń 8-maýsymy joǵary suranysqa ıe bolǵan. Dál osy týyndyny qazaqstandyqtar kóp izdegen.

Sondaı-aq, top-10 qataryna qazaqsha-oryssha aýdarma, kontınentaldy hokkeı lıgasy, "Kek alýshylardyń" sońǵy bólimi, "Vetrenyı" telehıkaıasy jáne "IP Pırogova" kirgen.

Qazaqstandyq jeli qoldanýshylary izdegen adamdar arasynda, Iýlııa Nachalova, Qasym-Jomart Toqaev, Nursultan Nazarbaev, Vladımır Zelenskıı, Janar Hamıtova, Del, Ámirjan Qosanov, Alla Verber men Bıllı Aılısh bar.

Al kınfılmder arasynda "Kek alýshylar. Fınal", "Arystan patsha" jáne "Djoker" tanymaldylyqqa ıe bolǵan. Odan bólek, el turǵyndary "Akvamen", "Kak prırýchıt drakona 3", "Ono 2" jáne "Kapıtan Marvel" syndy lentalarǵa qyzyǵýshylyq tanytqan.

Úzdik telehıkaıalar qataryna “Vetrenyı”, “Jestokıı Stambýl”, “Lıýbov napokaz”, “Chernobyl”, “IP Pırogova”, "Ostrye kozyrkı" týyndylary engen.

"...degenimiz ne?" degen saýal qoıý barysynda qazaqstandyqtar quıań týraly bilgisi kelgen. Sonymen qatar “VPN” men “Epıtetti” kóp izdegen. Odan bólek, jelidegilerdi snıýs, hobbı, keıipteý, anımızm, poster, uıqy sal aýrýy jáne jasandy ıntellekt degen uǵymdar qyzyqtyrǵan.

Sondaı-aq, qazaqstandyqtardyń kóbisi ınternet arqyly saýda jasaǵan. Temir jol bıleti, FlyArystan áýe kompanııasynyń áýe bıletteri, kınoǵa jáne "MIý-Astana" matchyna bıletter - kóp izdelgender qataryna kirgen.

Sońǵy jańalyqtar