11 Jeltoqsan, 17:11 455 0 Saıasat Anar LEPESOVA

Toqaev pen Bektaev ne talqylady?

Memleket basshysy Qasym-Jomart Toqaev «Aýyl» partııasynyń tóraǵasyn qabyldady. Kezdesýde Álı Bektaev Qasym-Jomart Toqaevqa partııa músheleriniń Ulttyq qoǵamdyq senim keńesi men Prezıdenttik kadr rezervin qurý, aýyl sharýashylyǵyn damytý máseleleri jónindegi bastamalardy tolyq qoldaıtyny aıtty.

Sondaı-aq elimizdiń aýyl sharýashylyǵy salasyna qarjylyq qoldaý kórsetý máselesi kóterildi. Atap aıtqanda, Álı Bektaev bul saladaǵy júıeli qarjylandyrý úderisin reformalaýǵa qatysty usynystaryn ortaǵa saldy. Partııa basshysy Prezıdenttiń aýyl sharýashylyǵy jerlerin tıimdi paıdalaný, egistik alqaptaryn naqty ispen aınalysatyn sharýalarǵa berý týraly tapsyrmalarynyń óte ózekti ekenine toqtaldy.

Memleket basshysyna «Aýyl» partııasynyń aýyl sharýashylyǵy salasyn odan ári damytý, shalǵaı eldi mekenderdi órkendetý máselelerine qatysty birqatar usynystar aıtyldy.

Sońǵy jańalyqtar