11 Jeltoqsan, 16:55 474 0 Rýhanııat Anar LEPESOVA

Aıtyskerler jemqorlyqty jyrlady

Aqmola oblysynda «Meniń daýysym – buharanyń óz úni» atty respýblıkalyq jas aqyndar aıtysy ótti.

«Rýhanı jańǵyrý» baǵdarlamasy aıasynda uıymdastyrylǵan aıtys QR Táýelsizdik kúnine jáne aqyn, aıtysker, QR Aıtyskerler federaııasynyń tuńǵysh prezıdenti Kóken Shákeevtiń 95-jyldyǵyna arnaldy. Oǵan Ardakereı Qap (Nur-Sultan qalasy), Aıaýlym Jumabek (Almaty qalasy), Nartaı Tileýqul (Aqtóbe qalasy), Jumabek Rahym, Jarqyn Juparhan (Petropavl qalasy), Erlan Dáýlet, Qurmet Quralhan (Aqmola oblysy), Toba Ótepbaı (Qostanaı qalasy), Nurıslam Ábdil, Dýman Samat (Kókshetaý qalasy) sııaqty jas aqyn-ımprovızatorlar qatysty.

Aqyndar Táýelsiz Qazaqstannyń jetistikterin, adamnyń parasattylyq, ádildik, adamgershilik qasıetterin, sondaı-aq halyq aqyny Kóken Shákeevtiń shyǵarmashylyǵyn jyrlady. Jeńimpazdardy Aqmola oblysy boıynsha sybaılas jemqorlyqqa qarsy is-qımyl departamenti basshysynyń birinshi orynbasary, aqyn Arman Berdalın, aqyn jáne kompozıtor Iran Tasqara, aqyn, Qazaqstan Jazýshylar odaǵynyń múshesi jáne Kóken Shákeevtiń oqýshysy Qudaıberli Myrzabek, Aqmola oblystyq oqý-ádistemelik ortalyǵynyń dırektory, aqyn jáne jazýshy Qarataı Tólekeev sııaqty qazylar alqasy anyqtady. Keshti tanymal aqyn Muhammed Qonqaev júrgizip otyrdy.

Aıtystyń bas júldesi Erlan Dáýletke berilse, birinshi jáne ekinshi oryndardy Nartaı Tileýqul men Aıaýlym Jumabek ózara bólisti. Al úshinshi orynǵa Dýman Samat laıyq dep tanyldy. Sonymen qatar, Jumabek Rahym, Qurmet Quralhan, Ardaqereı Qap, Toba Ótepbaı, Nurıslam Ábdil jáne Jarqyn Juparhan Kókshetaý qalasy ákiminiń alǵys hatymen jáne baǵaly syılyqtarmen marapattaldy.

 

 

 

 

Sońǵy jańalyqtar