11 Jeltoqsan, 16:11 507 0 Zań Anar LEPESOVA

Kir jýǵysh mashınaǵa tyǵylǵan qytaılyq shekaradan zańsyz ótpek boldy

 Kir jýǵysh mashınaǵa, sandyqqa tyǵylyp, AQSh-qa zańsyz kirmekshi bolǵan qytaılyqtar ustaldy. 

AQSh Shekara qyzmetiniń qyzmetkerleri memleket terrıtorııasyna kirip ketý úshin ártúrli jıhazdarǵa tyǵylǵan Qytaı eliniń 11 azamatyn ustady. Bul týraly vedomstvonyń Twitter-degi paraqshasynda habarlandy.

Amerıkalyq shekarashylar Kalıfornııa shtaty San-Dıego qalasyna Meksıka jaqtan kele jatqan fýrany toqtatqan.

"Avtokóliktiń ishinde ártúrli jıhazǵa jasyrynǵan 11 qytaılyq mıgrant tabyldy. Mıgranttar sandyqqa, komodqa, tipti kirjýǵysh mashınaǵa jasyrynǵan kórinedi", - delingen habarlamada.

Qytaılyqtardyń eshqaısysy aıtarlyqtaı zardap shekpegen.

Fýranyń júrgizýshisi 42 jastaǵy AQSh azamaty tutqyndaldy.

Sońǵy jańalyqtar