11 Jeltoqsan, 15:44 485 0 Mádenıet Anar LEPESOVA

M.Áýezov teatry "Qar qyzyn" sahnalaıdy

Muhtar Áýezov atyndaǵy Qazaq memlekettik akademııalyq drama teatrynyń repertýary jańa qoıylymmen tolyqpaq. 12-13 jeltoqsan kúnderi kórnekti jazýshy-dramatýrg Oralhan Bókeıdiń "Qar qyzy" povesiniń jelisi boıynsha qoıylǵan, rejısser Juldyzbek Jumanbaıdyń  "Qar qyzy" spektakliniń premerasy bolady.

Premera qarsańynda Qazaqstan Jazýshylar odaǵy, Almaty qalalyq ákimshilik jáne teatrdyń uıymdastyrýymen  Oralhan Bókeıge arnalǵan gallereıa jáne teatrdyń  "Mýzeı" bóliminiń uıymdastyrýymen "Qar qyzy" spektaklinde oınaıtyn artısterdiń gallereıasy kórermenge usynylady.

Spektakl kórnekti jazýshy-dramatýrg O.Bókeıdiń "Qar qyzy" povesiniń jelisi boıynsha qoıyldy. Qys ortasynda mal azyǵy taýsylyp, traktormen alystan shóp ákelýge shyqqan úsh jas jigit aq qar, kók muzdy taý arasynda joldan adasady. Aınala appaq álem, úskirik aıaz. Úsip ólý qaýpi týǵan keıipkerler úshin ómir men ólimniń arpalysy bastalyp, olardyń shynaıy bolmystary da ashyla túsedi.Osy bir qıyn sapardyń basyndaolar Qońqaıǵa, al, sońynda "...Qońqaı zálim jeńbesin dep Aıyrtaýda otyrǵan.." Sıyrshy shalǵa jolyǵýy beker emes. Álemde jamandyq jaılap ketpeýi úshin oǵan jaqsylyq qarsy turady. Ómirdiń uly tepe-teńdik zańdarynyń biri osy bolsa kerek...

 

 

Sońǵy jańalyqtar