11 Jeltoqsan, 13:30 534 0 Jańalyqtar Asyl TUMAR

Jańadan salynǵan úı qulaǵaly tur

Almatydaǵy «Zerdeli-6» (burynǵy «Alǵabas») yqshamaýdanyndaǵy №179 úıdiń turǵyndary kópqabatty úıdiń qısaıyp bara jatqanyn aıtady. Bul týraly Tengrinews.kz habarlady.

Turǵyndar qala ákimdigine hat jazǵan. Turǵyn Danııar Muhametov 8 jeltoqsanda úıdiń qısaıa bastaǵanyn baıqaǵanyn aıtady. «Kórshi úımen salystyrǵanda, bizdiń úı qısaıyp jatyr. Turǵyndar, kórshiler barlyǵy shaǵymdana bastady. Esikti jabý da qıyndap ketti. Keshe TJ qyzmetkerlerin, ákimdiktegilerdi shaqyrdyq, úıdi qarap ketti», – deıdi Danııar.

Bul úı «Qoljetimdi baspana» memlekettik baǵdarlamasy boıynsha 2013 jyly paıdalanýǵa berilgen.

№179 úıde barlyǵy 72 páter bar.

Buǵan deıin 2016 jyly «Alǵabas» yqshamaýdandarynyń turǵyndary kópqabatty úıdiń qısaıǵanyn aıtqanda, úıdiń turǵyndary evakýaııalanǵan bolatyn.

Sýret derekkózden alyndy. 

Sońǵy jańalyqtar