11 Jeltoqsan, 10:46 441 0 Jańalyqtar Asyl TUMAR

Taraqandy óz betinshe ýlaǵandar aýrýhanaǵa tústi

Almatyda taraqandy óz betinshe ýlaımyz degen ana men bala aýrýhanaǵa tústi.

KTK arnasynyń habarlaýynsha, bir apta buryn 67 jastaǵy Svetlana Balenko men 30 jastaǵy balasy aýyr jaǵdaıda aýrýhanaǵa túsken. Ekeýine jándikterdi óltiretin quraldan ýlaný dıagnozy qoıylǵan. Qazir olar jansaqtaý bóliminde jatyr. Marınanyń anasy úı ishine jándikterge qarsy dárini seýipti. Taraqandy joıamyz dep ózderi ýlanyp qalǵan. Bastapqyda uly, kelesi kúni ózi komadan bir-aq shyqqan.

Anyǵy, ýlanýǵa sebepker bolǵan dárini dárigerler qoıǵan dıagnozdan keıin ǵana bilgen. Dárigerler naýqastar kesh kelgen soń, ekeýiniń de jaǵdaıy aýyr dep aıtyp otyr.

«Qazir naýqastardyń jaǵdaıy aýyr. Bizge olar der kezinde jetkizilmegen. Endi jansaqtaý bólimine jatyr. Jasandy tynys alý apparatymen demalady. Tıisti em-shara júrgizilip jatyr», – deıdi Almaty qalalyq shuǵyl kómek kórsetý aýrýhanasynyń bólim meńgerýshisi Gúlmıra Toıbaeva.

Zardap shekkender taraqandy óltirýge «Palach», «Pasbýd» dárisin qoldanǵan.

Sońǵy jańalyqtar