11 Jeltoqsan, 10:40 423 0 Jańalyqtar Asyl TUMAR

Óskemenge tasyp jatqan ýrannyń ekologııaǵa zııany qandaı?

Óskemendegi Úlbi metallýrgııalyq zaýytyna tómen baıytylǵan ýrannyń ekinshi jáne sońǵy partııasy jetkizildi, dep habarlady «Habar 24» arnasy.

Alǵashqysy shamamen 2 aı buryn tasymaldanǵan. Qazir zaýyt aýmaǵynda ornalasqan «Tómen baıytylǵan Ýran bankinde» 90 tonnaǵa jýyq ýran qory bar. Ýran bankin Atom energııasy jónindegi halyqaralyq agenttik baqylaıdy. Mamandar «Onyń qala ekologııasy men halyqtyń densaýlyǵyna keri áseri bar deýge eshqandaı negiz joq» deıdi.

«Tómen baıytylǵan ýran banki» jobasynyń dırektory Marta Ferrarı: «Bul – balamasy joq  biregeı joba. Tómen baıytylǵan ýran banki  ol jekelegen memleketterge ıadrolyq otyn óndirý úshin shıkizat qoryn qalyptastyrady. Qazaqstan aýmaǵynda atalǵan banktiń ornalasýy beker emes ekeni anyq, óıtkeni bul eldiń ýran óndirý tájirıbesi mol», – deıdi.

Al ýrannyń «qorshaǵan ortaǵa asa qaýpi týraly áńgime qozǵaýdyń ózi artyq» degen basshylar qaýipsizdikti saqtap otyrǵanyn aıtady.

Energetıka mınıstrligi atomdyq jáne energetıkalyq qadaǵalaý men baqylaý komıteti tóraǵasynyń orynbasary Gýmar Serǵazın: «Bul – eshqandaı da qaldyq emes, kádimgi geksaftorıdti ýran. Myna ılındrlerdiń ishinde qatty kúıde saqtalǵan. Bulardyń barlyǵy úlken synaqtan ótken», – deıdi. Telearnanyń málimetinshe, Qazaqstan álemdegi ıadrolyq qaýipsizdikti saqtaýǵa eleýli úles qosýǵa ázir ekenin dáleldep otyr.

Sońǵy jańalyqtar