11 Jeltoqsan, 09:03 372 0 Jańalyqtar Asyl TUMAR

Otandyq ǵalymdar ıtbalyqtardy ǵaryshtan baqylaıdy

Budan bylaı ǵalymdar Kaspıı teńizindegi ıtbalyqtardyń tynys-tirshiligi men mıgraııalyq órisin udaıy spýtnık arqyly baqylap otyrady. Bul úshin balyqtarǵa arnaıy mıkrochıp taǵylady.

Elimizde sany azaıyp bara jatqan ıtbalyq Kaspıı teńizinde ǵana kezdesedi. Osyǵan oraı ıhtıolog-ǵalymdar jańa tehnologııanyń kómegimen balyqtardy jiti zertteıtin bolady. Spýtnıktik baqylaýǵa arnalǵan mıkro qondyrǵy 9 eresek ıtbalyqqa taǵyldy. Teńiz bıoresýrsyn zertteýshi ǵalym Gúlsim Mutysheva: «Itbalyqtarǵa arnalǵan mıkrochıp olardyń arqasyna nemese basyna epoksıd jeliminiń kómegimen ornatyldy. Ol teńiz janýarynyń densaýlyǵyna esh zalal keltirmeıdi. Sol arqyly biz olardyń tirshiligin ǵaryshtan baqylaımyz. Órisin anyqtaımyz, esebin alamyz», – deıdi.

24.kz arnasynyń habarynda, keıingi 20 jylda teńiz janýarlarynyń sanaǵy múlde júrgizilmegeni aıtylady. Reseılik ǵalymdardyń esepteýinshe, búginde Kaspıı teńizinde 300 myń bas ıtbalyq bar kórinedi. Onyń 100 myńdaıy Qazaqstan aýmaǵynda tirshilik etedi degen boljam bar.

Sońǵy jańalyqtar