10 Jeltoqsan, 18:04 402 0 Jahan Anar LEPESOVA

Alkogoldiń qaterli isik týdyratyny dáleldendi

Alkogoldi az mólsherde tutynýdyń ózi onkologııalyq aýrýlardyń paıda bolý qaýpin arttyrady. Birlese zertteý júrgizgen Japonııa men AQSh ǵalymdary osyndaı qorytyndy jasady. 

Ǵalymdar Japonııadaǵy 33 aýrýhananyń 2005-2016 jyldar aralyǵyndaǵy klınıkalyq málimetterin zerttep shyqty, dep habarlaıdy RIA Novostı.

Olar jalpy onkologııalyq aýrýlarǵa shaldyqqan 63,2 myń naýqastyń jáne osynshama deni saý eriktilerdiń densaýlyǵyna baılanysty málimetterdi saraptamadan ótkizdi. Zertteýge qatysqandardyń barlyǵy qandaı mólsherde jáne qansha ýaqyt boıy alkogoldi ishimdik ishkenderin aıtyp bergen.

Nátıjesinde alkogoldi ishimdik ishpeıtin adamdardyń qaterli isikke shaldyǵý qaýpi tómen bolyp shyqqan. Al ishimdikti az nemese ortasha mólsherde tutynatyndardyń onkologııalyq dertke shaldyǵý qaýpi eleýli túrde joǵary ekeni anyqtaldy.

Osylaısha, on jyl boıy kúnine bir nemese bes jyl boıy kúnine eki alkogoldi sýsyn ishý tik ishek, asqazan, keýde, prostata nemese óńeshtiń qaterli isigine jáne basqa da onkologııalyq aýrýlarǵa shaldyǵý qaýpin 5 paıyzǵa arttyratyny belgili boldy.

"Búgingi tańda qaterli isik aýrýlarynyń keń taralýyna baılanysty alkogoldiń atalǵan dertti qozdyrý qaýpin barynsha nasıhattaý qajet", – dep málimdedi Tokıo ýnıversıtetiniń medıına ǵylymdarynyń doktory Masaeshı Zaıý.

Sońǵy jańalyqtar