10 Jeltoqsan, 16:18 388 0 Qaýipsizdik Anar LEPESOVA

Brakonerler aıǵaqty joıý úshin qymbat kólikterin órtep jiberdi

Kıik atyp oljaly bolamyn degen brakonerler qymbat kólikterinen aıyryldy. Aqtóbe oblysynda zańsyz ań aýlaǵandar aıǵaq zattan qutylý úshin jol talǵamaıtyn «Toyota Land Cruiser 100» markaly kólikterin órtep jibergen, dep habarlaıdy "Astana" arnasy. 

«Ohotzooprom» mekemesiniń qyzmetkerleri Aqtóbe oblysy Shalqar aýdany ústirt mańynda reıd júrgizý kezinde kúmándi kólikti baıqap qalǵan. Inspektorlar izine túskende olar qasha jónelgen. Jaqyndap qalǵanda qymbat djıpke ot qoıyp, túgin qaldyrmaı órtep jibergen. Biraq keıin ózderiniń kıik aýlaǵandaryn moıyndapty. Saraptaý kezinde úsh kıiktiń óleksesi men on alty múıiz, eki ańshy myltyǵy tabylǵan. Qazir Qyzylorda oblysy Aral aýdany Qosaman aýylynyń 45 jáne 46 jastaǵy eki  turǵyny ústinen qylmystyq is qozǵalyp, eki aıǵa qamaýǵa alyndy.

" Jaqyndaǵan kezde kóliktiń ishinde otyrǵan bir jolaýshysy aq kanıstrdi alyp, ishine suıyqtyq shashyp otyrǵan. «Toqta, toqta» dep daýys berdik terezeni ashyp aıqaıladyq. Bir kezde ot-jalyndy kórdik. Sol kezde ekeýi eki jaǵynan sekirip tústi. Ishinde zańsyz aýlaǵan kıik baryn aıtty. Qarý baryn aıtty", - deıdi janýarlar dúnıesin qorǵaý ınspektory Muratbek Jáshibaı.

 

Sońǵy jańalyqtar