10 Jeltoqsan, 12:23 377 0 Jańalyqtar Asyl TUMAR

Bir mezette 20 shaqty kólik soqtyǵysty

Jambyl oblysynda bir mezette 20-ǵa jýyq kólik jol apatyna ushyrady.

«Astana» telearnasynyń habarlaýynsha, jol-kólik oqıǵasy Aqsholaq aýyly mańyndaǵy «Batys Eýropa – Batys Qytaı» kúre jolynyń 472-shaqyrymynda boldy. Aldyn ala derek boıynsha, jolaýshylar aman-esen. Eki adam jaraqat alyp, aýrýhanaǵa jetkizilgen. Apatqa ushyraǵandar arasynda Qordaıdan Tarazǵa naýqasty alyp kele jatqan jedel járdem kóligi de bar. Jol-kólik oqıǵasy qalyń tuman men jańbyrdan keıingi kóktaıǵaq kesirinen bolǵan.

Taıǵanap toqtaı almaǵan kólikter birine-biri baryp soǵylǵan. Jambyl oblystyq polıııa departamenti Polıııa qyzmeti basqarmasy basshysynyń orynbasary Samat Qusaıynov: «Kináli kim? Birinshiden, ár júrgizýshiniń ózi kináli dep esepteımiz. Óıtkeni birinshiden tuman, ekinshiden, joldyń ústi muz bolǵan. Júrgizýshiler sony eskermegen. Onyń ishinde eki júk kóligi bolyp otyr. Jedel járdem kóligi naýqasty alyp kele jatqan. Aýrýhanaǵa jetkizildi», – dedi.

 

Sońǵy jańalyqtar