8 Jeltoqsan, 13:00 518 0 Jahan Anar LEPESOVA

Qaraly kún: Ýkraına týy tómen túsirildi

Odessa kolledjinde bolǵan órtke baılanysty búgin Ýkraınada qaraly kún jarııalandy, dep habarlaıdy Ýkrınform. 

"Búkil Ýkraınada aza tutý kúninde: memlekettik organdardyń, jergilikti bılik organdarynyń, memlekettik kásiporyndardyń, mekemeler men uıymdardyń úılerinde jáne ǵımarattarynda Ýkraınanyń Memlekettik Týy túsirilsin; oıyn-saýyq jáne konerttik sharalardan bas tartylsyn, teledıdar men radıo baǵdarlamalaryna tıisti ózgerister engizilsin", - delingen Prezıdent Jarlyǵynda.

Sonymen qatar, Vladımır Zelenskıı bul sheshimine Facebook-tegi paraqshasynda da arnaıy pikir bildirdi.

"Osy qaıǵyly oqıǵa barlyq sheneýnikter, basshylar, barlyq Ýkraına azamattary úshin sabaq bolsyn. Ómir - árqaısymyzdyń qolymyzda bar eń qundy nárse. Adam ómiri - bul eldiń eń basty qundylyǵy. Olardyń ómirin saqtaý - memlekettiń birinshi kezektegi mindeti. Adamdar maıdanda jan qıyp jatsa aýyr deımiz. Al beıbit qalada, bireýdiń qatelikteri nemese nemquraıdylyq saldarynan adamdardyń qaıtys bolýy eki ese aýyr", - dedi ol óz jazbasynda.

Sońǵy jańalyqtar