7 Jeltoqsan, 19:35 317 0 Jańalyqtar Asyl TUMAR

Eki adam dáriden ýlanǵan

Almaty qalalyq Qoǵamdyq densaýlyq basqarmasy belgisiz bir dáriden ýlanǵandardyń qazirgi jaǵdaıy týraly málimdeme jasady. Dárigerler 1957 jáne 1987 jyly týǵan naýqastardyń jaǵdaıy aýyr dep otyr.

Mekemeniń derekterine súıensek, basy aınalyp, júregi aınyp, qan qysymy kóterilgen eki azamat ta aýrýhanaǵa jedel-járdem kóligimen jetkizilgen. Olarǵa dereý ýlanýǵa qarsy emdeý sharalaryn qoldanyp, zerthanalyq zertteýler júrgizilgen.

Mekeme málimdemesinde «Naýqastarǵa óte aýyr dárejedegi tynys jolymen ýlaný dıagnozy qoıylǵan. Olar qazir jansaqtaý bóliminde. Jaǵdaılary aýyr. Emdeý sharalaryn tolyq mólsherde oryndap jatyrmyz» delingen.

Esterińizge sala ketsek, buǵan deıin bir otbasynyń belgisiz dáriden ýlanyp qalǵany jaıly jazǵan boltynbyz.

Sońǵy jańalyqtar