6 Jeltoqsan, 18:48 779 0 Jańalyqtar Asyl TUMAR

Qytaıdaǵy qupııa lagerde ne bolyp jatyr?

Jýyrda AQSh kongresmenderi Qytaıdaǵy musylmandar men etnıkalyq ulttarǵa qatysty saıasatyn aıyptaıtyn zań jobasyn talqylady.

Qytaı bıligi AQSh kongresmenderi Qytaıdyń ishki máselesine aralasty dep sanaıdy. Shyńjań provınııasynda musylmandardy «qaıta tárbıeleý» lagerleri bar Qytaı saıasatyn burmalady dep aıyptaıdy.

Osydan soń VVS agenttiginiń tilshisi Djon Sadýort «Qytaı lagerlerinde musylmandardy qalaı tárbıeleıdi?» dep zertteý júrgizgen.

VVS agenttiginiń tilshisi Djon Sadýort Qytaıdaǵy «qaıta tárbıeleý» lagerlerine barǵanymen, ol jerdi foto, vıdeoǵa túsirý múmkin bolmaǵanyn aıtady. Tek resmı ruqsat etilgen basshylardyń pikirin alýǵa ǵana múmkin bolǵan.

VVS agenttiginiń tilshisi Djon Sadýorttyń maqalasynda Qytaıdaǵy uıǵyrlarǵa qandaı tyıymdar salynǵanyn aıtady.

Shyńjańdaǵy musylmandar quqyǵynyń buzylýy amerıkalyq zań jobasynda egjeı-tegjeıli sıpattalǵan, olardyń ishinde:

  • Beıne jáne elektrondy quraldardyń kómegimen keshendi baqylaý;
  • Balalardan DNQ jınaý;
  • Provınııadaǵy adamdar qanshalyqty jıi namaz oqıtyny jáne qaıda baratyndyǵy týraly aqparat jınaý úshin betti jáne daýysty taný baǵdarlamalaryn zańsyz paıdalaný.

Al resmı Qytaıdyń bıligi, onyń ishinde, Syrtqy ister mınıstrligi «Úkimettiń Shyńjańdaǵy nátıjeli jumysynyń arqasynda keıingi úsh jylda birde-bir lańkestik oqıǵa bolǵan joq», – deıdi.

Tilshiniń zertteýinshe, lagerlerde quqyqtyq pánderdi, eńbek daǵdylaryn jáne qytaı tilin úıretý arqyly ekstremızmmen kúresemiz kórsetiledi eken.

Bı-Bı-Sı agenttigi Qytaıdaǵy «qaıta tárbıeleý» lagerleri týraly habar taratqannan keıin, Londondaǵy Qytaı elshisi ózderine taǵylǵan aıyptardy joqqa shyǵaryp, bul habardy jalǵan dep málimdedi.

Sońǵy jańalyqtar