5 Jeltoqsan, 20:27 567 0 Qoǵam Anar LEPESOVA

Mınıstrdiń burynǵy keńesshisi telearna dırektory bolyp taǵaıyndaldy

Belgili jýrnalıst, jazýshy Mıras Muqash«Qazaqstan» RTRK» AQ Basqarma Tóraıymy Lázzat Tanysbaıdyń buıryǵymen  «Qazaqstan» RTRK» AQ Aqtóbe oblystyq fılıaly «Aqtóbe» telearnasynyń dırektory bolyp taǵaıyndaldy.

Jańa basshyny ujymǵa «Qazaqstan» RTRK» AQ Basqarma Tóraıymynyń orynbasary-Qoǵam Basqarmasynyń múshesi Erjanar Ásheıhan men Aqtóbe oblysy əkiminiń orynbasary Marat Toǵjanov tanystyrdy.

Mıras Qultóleýuly Muqashev 1985 jyly dúnıege kelgen. Orazaev atyndaǵy Halyqaralyq jýrnalıstıka ınsıtıtýty, ál-Farabı atyndaǵy Qazaq Ulttyq Ýnıversıteti jýrnalıstıka fakýltetiniń tele-radıo jýrnalıstıka kafedrasynda oqyp, bitirgen. Uzaq jyldar jetekshi telearnalarda eńbek etti. Atap aıtqanda, eńbek jolyn «Habar» Agenttigi AQ Almaty bıýrosynyń aqparattyq-saraptamalyq baǵdarlamalar bóliminiń tilshi-redaktorlyǵynan  bastaǵan. Keıin agettiktiń Qaraǵandy oblysyndaǵy menshikti tilshisi, «Qazaqstan» RTRK» AQ Almaty bıýrosynyń Aqparattyq-saraptamalyq baǵdarlamalar bóliminiń tilshisi, respýblıkalyq "7 Arna", "Nysana" aqparattyq-saraptamalyq baǵdarlamalar bóliminiń Almaty qalasyndaǵy tilshi-redaktory,  «Qazaqstan» RTRK» AQ Almaty bıýrosynyń aqparattyq-saraptamalyq baǵdarlamalar bóliminiń tilshisi, «Zerde» Ulttyq ınfokommýnıkaııalyq holdıngi» AQ bas sarapshysy. «Habar» Agenttigi Bas pıar menedjeri. (QR Aqparat jáne kommýnıkaııalar mınıstriniń, QR Aqparat jáne qoǵamdyq damý mınıstriniń keńesshisi).

Úılengen. Eki uly, bir qyzy bar. Qazaqstan Jýrnalıster odaǵynyń sondaı-aq Qazaqstan Jazýshylar odaǵynyń múshesi. «Aq shaǵala» prozalyq kitabynyń avtory. «Shabyt» halyqaralyq festıvaliniń dıplomanty, Qanysh Sátbaev atyndaǵy syılyqtyń ıegeri, «Qazaqstannyń úzdik jýrnalısi» marapatyn alǵan.

Sońǵy jańalyqtar