5 Jeltoqsan, 19:04 1986 0 Jańalyqtar Asyl TUMAR

Shash boıaý qaterli isik qaýpin arttyrady

Amerıkalyq ǵalymdar sút bezi qaterli isigin aldyn alý úshin hımııalyq zattardan aýlaq bolýǵa keńes beredi. Óıtkeni shash boıaý, ony hımııalyq jolmen túzetý sút bezi qaterli isigi qaýpin arttyrady. AQSh sarapshylarynyń bul zertteý qorytyndysy International Journal of Cancer jýrnalynda jarııalanǵanyn jazdy RIA Novostı.

Sheteldik mamandar 49 709 áıeldiń densaýlyǵyna zertteý júrgizgen. Nátıjesinde shash boıaıtyn áıelderdiń sút bezi qaterli isigine shaldyǵý qaýpi shashyn boıamaıtyn áıelderden 9 paıyzǵa kóp ekeni anyqtalǵan. Bul oraıda ǵalymdar quramynda kanerogender men endokrın júıesin buzatyn hımııalyq qospalar bar boıaýlar jaıly aıtýda. Shash túsin ýaqytsha ózgertetin boıaýlardyń eshqandaı qaýpi joq. Sondaı-aq, shashty hımııalyq jolmen túzýleý de sút bezi qaterli isigin arttyrady. Zertteý qorytyndysyna saı, mundaı ádisti 5-6 apta qoldanǵan áıelderdiń onkologııalyq aýrýlarǵa shaldyǵý kórsetkishi 30 paıyzǵa kóp bolyp shyqqan.

Sońǵy jańalyqtar