5 Jeltoqsan, 14:56 342 0 Jańalyqtar Asyl TUMAR

Bosqyndar úshin onlaın qujat jasalýda

Eńbek jáne halyqty áleýmettik qorǵaý mınıstri Birjan Nurymbetov elimizdegi bosqyndardyń ózge memleketterge erkin shyǵýy úshin elektrondy qujat jasalyp jatqanyn aıtty.

– Qazirgi ýaqytta elimizde 523 bosqyn tirkelgen. Onyń 509-y Aýǵanstannan kelgen. Halyqaralyq konvenııalarǵa sáıkes, bosqyndardyń isin arnaıy komıssııa qarap, sheshim shyǵarady. Olarǵa bosqyn kýáligi beriledi. El aýmaǵynda bul qujat olardyń jeke kýáligi retinde júredi. Sondaı-aq, bosqyndarǵa jol jurý qujaty beriledi. Sol arqyly olar ózge elderge shyǵa alady. Jol júrý qujatyndaǵy bosqynnyń bıometrııalyq derekterin onlaın kórýge múmkindik beretin elektrondy nusqasyn daıyndaýdy qarastyryp jatyrmyz. Bul olardyń ózge elderge erkin shyǵýy úshin qajet, – dedi mınıstr.

Aıta keteıik, 2011 jyly Bosqyndar týraly zań qabyldanǵan. Búginde bul ispen elimizdiń Ishki ister mınıstrligi aınalysady.

Sońǵy jańalyqtar