4 Jeltoqsan, 18:05 475 0 Jańalyqtar Asyl TUMAR

Naýqas balalarǵa arnalǵan «Smart School-2» synyby ashyldy

Búgin Pedıatrııa jáne balalar hırýrgııasy ǵylymı ortalyǵynda staıonarda jatqan naýqas balalar bilim alatyn ekinshi «Smart School»  oqý synyby ashyldy.

Innovaııalyq oqý bólmesi aq qan aýrýyna, onkologııalyq dertke, sırek aýrýlarǵa shaldyqqan balalarǵa arnalǵan. Bul balalardyń emdelýi uzaqqa sozylatyndyqtan, munda balalar jyldap jatady. Endi ortalyqtaǵy balalar emin úzbeı, zamandastarynan qalmaı, bilimin jetildirip, bos ýaqytyn tıimdi ótkize alady.

Ozyq qondyrǵylarmen jabdyqtalǵan smart synybyn Pedıatrııa ortalyǵynyń basshysy Rıza Boranbaeva ashty.

– Búgin ortalyqta emdelip jatqan balalar men olardyń ata-analary úshin qýanyshty kún. Osyndaı keń, ásem de jaryq synyp jasap, ony zaman talabyna saı jabdyqtap bergen demeýshilerge, atsalysqan barsha eriktilerge sheksiz alǵys bildiremiz. Bizdiń ortalyqtaǵy ekinshi smart-klasstyń  balalardyń densaýlyǵyn jaqsartýǵa qosar úlesi mol dep bilemin, –  dedi Rıza Boranbaeva.

«Smart School-2» synyby úsh kabınetten turady. Zamanaýı quraldarmen jabdyqtalǵan oqý synybynda balalar matematıka, tarıh, aǵylshyn tili jáne t.b. jalpy pándermen birge, mektepke deıingi baǵdarlamany oqyp, bos ýaqytynda aǵylshyn tilin úırenip, shahmat, robototehnıka, konstrýktor quraý,  sýret salý syndy shyǵarmashylyq jumyspen aınalysa alady.

Sondaı-aq, bul synypta mýzyka, ertegi kómegimen terapııa seanstary ótkiziledi. Barlyq sabaqtar men úıirmeler tegin. Joba aıasynda emhana kloýny balalardyń kóńilin kóterip, túrli kesh uıymdastyryp otyrmaq. Synyp úlken ınteraktıvti taqtamen, ekologııalyq taza jıhazdarmen qamtamasyz etilgen. Aldaǵy ýaqytta synypta ata-analar úshin psıhologııalyq qoldaý kýrstary ashylmaq.

Shara barysynda №3 onkogematologııa bólimi ata-analary atynan sóz sóılegen Madına Qunanbaeva balalar úshin jasalyp jatqan qaıyrymdy is úshin barsha qaýymǵa alǵysyn bildirdi.

Oqý synyby  «Help Today» qoǵamdyq qorynyń qoldaýymen jáne «Samsung Electronics Central Eurasia», «Universal Masters», «Baı-Temır», «BioMarin Europe Limited» kompanııalarynyń demeýshiligimen iske asty.

Sońǵy jańalyqtar