4 Jeltoqsan, 11:59 420 0 Tehnologııalar Anar LEPESOVA

086 medıınalyq anyqtamasyn eGov arqyly alýǵa bolady

Elimizde ózektiligin joıǵan jáne suranysqa ıe emes 13 qyzmetti qoldanystaǵy tizilimnen alyp tastaý, 15 memlekettik qyzmetti elektrondy formatqa kóshirý usynyldy. Avtomattandyrylatyn qyzmetterdiń qatarynda 086/ý  anyqtamasy da bar.

Bul týraly QR ıfrlyq damý, ınnovaııalar jáne aeroǵarysh ónerkásibi mınıstrliginde vedomstvoaralyq komıssııanyń kezekti otyrysynda aıtyldy, dep habarlaıdy vedomstvonyń baspasóz qyzmeti.

Usynylǵan proedýra bekitilgennen keıin 086/ý anyqtamasyn mindetti medıınalyq tekserýden ótý nátıjeleri negizinde eGov portaly arqyly alýǵa bolady. Anyqtamada arnaıy QR-kod bolady, ol qujattyń túpnusqalyǵyn tekserýge múmkindik beredi. Mundaı elektrondyq anyqtama bir jylǵa jaramdy.

Sonymen qatar, otyrysqa qatysýshylar el Prezıdenti jaqynda bekitken Memlekettik qyzmet kórsetý týraly zańnamaǵa engizilgen túzetýlerge baılanysty ózderiniń is-qımyl josparlarymen bólisti. Bul zań tolyq kúshine enýi úshin taǵy 400-ge jýyq normatıvtik qujattardy qabyldaý qajet.

Zańnyń áleýmettik mańyzdylyǵyn eskere otyryp, Asqar Jumaǵalıev memlekettik organdardyń ókilderine osy Zańǵa táýeldi aktilerdi jedel qabyldaý qajettigin eske salyp ótti. Osy zańǵa «proaktıvti» jáne «kompozıttik» uǵymdardyń engizilgenin aıtyp ótý kerek. Iaǵnı, endigi ýaqytta memleket azamatqa belgili bir ómirlik jaǵdaıda qyzmet kórsetýdi ózi usynady, sondaı-aq bir ǵana ótinish jazyp, birqatar ilespe qyzmetterdi alýǵa múmkindik beredi.

« Biz kompozıtti jáne proaktıvti qyzmetterdiń birqataryn pılottyq rejımde usynýdamyz. Bul tásilder óziniń tıimdiligin kórsetti. Sondyqtan, áriptester, sizderden tıisti zańǵa táýeldi aktilerdi qabyldaýdy barynsha jedeldetýdi suraımyn. Bul túzetýlerdi engizýdiń máni zor, sebebi azamattardyń memlekettik qyzmetterdi alýyn yńǵaıly ári jedel ete túspek «, - dep atap ótti Asqar Jumaǵalıev.

Komıssııa otyrysynda memlekettik qyzmetterdi avtomattandyrý jáne ońtaılandyrý boıynsha júrgizilgen jumystar týraly Eńbek jáne halyqty áleýmettik qorǵaý, Aýyl sharýashylyǵy, Densaýlyq saqtaý, sondaı-aq Mádenıet jáne sport mınıstrlikteriniń ókilderi baıandady.

 

Sońǵy jańalyqtar