3 Jeltoqsan, 16:01 435 0 Jahan Anar LEPESOVA

Reseıde jýrnalısterge "shetel agenti" dep aıdar taǵatyn zańǵa qol qoıyldy

Reseıdiń "BAQ týraly" zańyna ózgertý engizilmek. Eldegi aqparat quraldarynyń qyzmetin retteıtin qujatta "shetel agenti" degen túsinik paıda bolady. 

Jańa zań "shetel agentteri" tizimindegi uıymdarda isteıtin jýrnalısterdi "shetel agenti" dep tanýǵa jol ashady. Shetel aqparat quraldarynda jumys isteıtin, olardan qarjy alatyn jeke tulǵalar da "shetel agenti" atanady.

Sheteldik BAQ Reseıde jumys isteý tártibin buzǵan jaǵdaıda, qabyldanǵan erejeler "shetel agentteriniń nemese olardyń zańdy tulǵalarynyń saıttaryn buǵattaýǵa negiz bolady" dep jazdy TASS.

Reseıde "shetel agentteri týraly" dep atalyp ketken zań 2012 jyly qabyldandy. Qujat boıynsha, shetelden qarjy alatyn uıymdar arnaıy tirkeýden ótýi kerek. Bul zań Pýtın bıligine qarsy narazylyqtar kúsheıgen tusta qabyldanǵan edi.

Halyqaralyq uıymdar Reseı bıligin bul zańnan bas tartýǵa shaqyrǵan. AE/AR prezıdenti Djeımı Flaı bul zańdy "qaýipti" dep ataǵan edi.

Sońǵy jańalyqtar