3 Jeltoqsan, 13:16 470 0 Zań Anar LEPESOVA

Budan bylaı qujattarǵa qosarlanǵan esim jazýǵa tyıym salynbaıdy

Elimizde qujattarǵa qosarlanǵan esim jazýǵa ruqsat berildi, dep habarlaıdy QazAqparat. 

Bul týraly QR Parlamenti Májilisiniń depýtaty Maıra Aısına aıtyp berdi.

Jańa ózgerister «QR keıbir zańnamalyq aktilerine memlekettik qyzmetter kórsetý máseleleri boıynsha ózgerister men tolyqtyrýlar engizý týraly» Zańynda kórsetilgen. «Qosarlanǵan esim berý máselesi qazaqstandyqtar arasynda túsinispeýshilik týǵyzyp otyr. Iaǵnı, bala qujatyndaǵy ákesiniń qosarlanǵan esimi boıynsha túzetý engizilip otyr. Buǵan deıin ákeniń aty tek birge jazylatyn nemese qosarlanǵan esimniń bireýi ǵana beriletin. Iaǵnı, ákesiniń aty Asan-Áli bolyp, defıspen jazylsa, bala qujatynda Asanuly nemese Álıuly ne bolmasa defıssiz Asanáliuly bolyp birge jazylatyn. Zań jobasynda bul másele qaraldy jáne defıspen jazýǵa ruqsat berildi», - dedi Maıra Aısına QR Prezıdenti janyndaǵy Ortalyq kommýnıkaııalar qyzmetinde ótken baspasóz máslıhatynda.

2019 jyldyń 7 qarashasynda Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik qyzmetter kórsetý máseleleri boıynsha ózgerister men tolyqtyrýlar engizý týraly» Zańy qabyldandy. Zań jobasy Qazaqstan Respýblıkasynyń memlekettik kórsetiletin qyzmetter salasyndaǵy zańnamasyn jetildirý maqsatynda ázirlendi.

 

Sońǵy jańalyqtar