3 Jeltoqsan, 08:13 413 0 Rýhanııat Anar LEPESOVA

Túrki tildes elderdiń 2020 jylǵy mádenı astanasy belgilendi

QR Mádenıet jáne sport vıe-mınıstri Nurǵısa Dáýeshov Qyrǵyz eliniń Osh qalasynda ótken Halyqaralyq túrki mádenıeti men ónerin birlesip damytý (TÚRKSOI) uıymy Mádenıet mınıstrleriniń 37-otyrysyna qatysty. Bul týraly QR Mádenıet jáne sport mınıstrliginiń baspasóz qyzmeti habarlady. 

Vedomstvonyń málimetinshe, shara barysynda Nurǵısa Dáýeshov aqyn, qoǵam qaıratkeri Abaıdyń 175 jyldyǵyn atap ótýge arnalǵan jobany tanystyrdy. TÚRKSOI Bas hatshysy Dúısen Qaseıinov pen ózge de uıym músheleri tanystyrylymnan soń 2020 jyldy túrki tildes elderde uly aqynnyń mereıtoıyn atap ótýdi bir aýyzdan qoldady. Sondaı-aq, mınıstrler osy jyly baýyrlas memleketter arasyndaǵy mádenıet, óner salasyndaǵy baılanystar jaıyn talqylady. Otyrys barysynda 2020 jyly túrki elderiniń mádenı astanasy bolyp Ózbekstannyń Hıýa qalasy belgilendi.

Is-sharaǵa Qyrǵyz eliniń Mádenıet, aqparat jáne týrızm mınıstri Azamat Jamanqulov, Osh qalasynyń meri Taalaıbek Sarybashev, Túrkııa Respýblıkasynyń Mádenıet mınıstriniń orynbasary Nádir Alyp Aslan, Ázerbaıjan Respýblıkasy Mádenıet mınıstriniń orynbasary Rafıg Baıramov, Ózbekstan Respýblıkasy Mádenıet mınıstriniń orynbasary Kamola Akılova, Túrkimenstan Respýblıkasy Mádenıet mınıstriniń orynbasary Gýrbanmurad Myradalıev, TÚRKSOI uıymy elderine qarasty memleketterden kelgen ózge de mártebeli qonaqtar qatysty.

 

Sońǵy jańalyqtar