2 Jeltoqsan, 19:06 391 0 Sport Anar LEPESOVA

Tórtinshi "Álem barysy" anyqtaldy

 Almaty qalasyndaǵy «Balýan Sholaq» sport saraıynda QR Tuńǵysh Prezıdenti kúnine oraı uıymdastyrylǵan qazaq kúresinen "ÁLEM BARYSY" halyqaralyq saıysy óz máresine jetti. 

Chempıonat Qazaqstannyń tarıhı jáne mádenı murasyn damytý, shet elderde  qazaq kúresin damytý barysyndaǵy yntymaqtastyq pen ózara baılanysyn nyǵaıtý, qazaq kúresin halyqaralyq deńgeıde odan ári jetildirý, nasıhattaý jáne bedelin kóterý, qazaq kúresinen "Álem Barysyn" anyqtaý maqsatyn júzege asyrdy.

Chempıonatty Almaty qalasy ákimdiginiń qoldaýymen, QR Mádenıet jáne sport mınıstrliginiń Sport jáne dene shynyqtyrý isteri komıteti,  QR qazaq kúresi federaııasy jáne "Qazaqstan Barysy" qazaq kúresin damytý jáne qoldaý qory uıymdastyrdy. Sonymen qatar, "Qazaqtelekom" AQ, "ORDA-INVEST" Korporaııasy jáne "Sátti juldyz" AQ demeýshilik jasady.

Álemdik dodanyń ashylý saltanatynda QR aqparat jáne qoǵamdyq damý mınıstri, QR qazaq kúresi federaııasynyń prezıdenti D.Abaev sóz sóılep, balýandarǵa sáttilik tiledi.

Tórtinshi ret ótken básekege 30 elden 33 balýan qatysty. "Álem Barysy" atanýǵa AQSh, Avstralııa, Azerbaıdjan, Brazılııa, Greııa, Grýzııa, Úndistan, Iran, Ispanııa, Italııa, Kamerýn, Kongo, Koreıa, Kýba, Qyrǵyzstan, Lıtva, Mońǵolııa, Nıderlandy, Pákistan, Polsha, Reseı, Slovenııa,Tájikstan, Túrkimenstan, Túrkııa, Ózbekstan, Ýkraına, Estonııa, Iaponııa   sekildi elderdiń jáne Qazaqstannyń ataqty balýandary qatysty.

Bul synda elimizdiń namysyn A.Nuǵymarov (ShQO), R.Ábdirazaqov (Almaty qalasy), M.Isaǵabylov (Qyzylorda oblysy), N.Jarylǵapov (Mańǵystaý oblysy) syndy balýandar qorǵady.

Boz kilemniń ústindegi beldesýler óte tartysty ótti. Nátıjesinde:

1 oryn Bobıkov Roman (Reseı) - 10 mln teńge jáne altyn belbeý;

2 oryn Nuǵymarov Aıbek (Qazaqstan) 6 mln teńge jáne kúmis belbeý;

3 oryn Isaǵabylov Maqsat (Qazaqstan) 3 mln teńge jáne qola belbeý;

"Jeńiske degen jigeri úshin" nomınaııasy Hısomýddınov Mýhsın (Ózbekstan) -1 mln teńge.

Aıta keteıik,  chempıonattyń resmı aqparattyq resýrsy www.qazaqstanbarysy.kz saıty, qosymsha aqparattar "Qazaqstan Barysy" qazaq kúresin damytý qorynyń áleýmettik jelilerdegi resmı ókildikterinen taratylady.

 

 

Sońǵy jańalyqtar