1 Jeltoqsan 2019, 09:59 474 0 Jahan Anar LEPESOVA

«Bolashaqtyqtar» BUU shtab-páterimen tanysty

Nıý-Iorktiń jetekshi ýnıversıtetterinde oqıtyn «Bolashaq» baǵdarlamasy stıpendıattary  BUU shtab-páterimen tanysty. Bul týraly QR SIM baspasóz qyzmeti habarlady. 

Qazaqstannyń BUU janyndaǵy Turaqty ókildigi bul is-sharany Qazaqstan Respýblıkasynyń Tuńǵysh Prezıdenti kúnine oraı uıymdastyrdy. Kolýmbııa jáne Nıý-Iork ýnıversıtetteriniń qazaqstandyq magıstranttary BUU Bas Assambleıasynyń, BUU Qaýipsizdik Keńesiniń zaldarynda, konferenııalar ǵımaratynda boldy, sondaı-aq 1997 jyly Birikken Ulttar Uıymyna Qazaqstannyń Tuńǵysh Prezıdenti Nursultan Nazarbaev syıǵa bergen «Altyn adamnyń» kóshirmesin kórdi.

«Qazaqstannyń BUU janyndaǵy Turaqty ókildiginde «bolashaqtyqtarmen» kezdesý barysynda elshi Qaırat Omarov qazaqstandyq dıplomattardyń BUU-daǵy jumysynyń erekshelikteri, N.Nazarbaev usynǵan Birikken Ulttar Uıymy sheńberindegi negizgi halyqaralyq bastamalar, onyń ishinde Azııadaǵy ózara is-qımyl jáne senim sharalary jónindegi keńesti shaqyrý týraly, Terrorızmnen azat álemge qol jetkizý tártibiniń kodeksin usyný, Halyqaralyq ıadrolyq synaqtarǵa qarsy is-qımyl kúni jáne taǵy basqalary týraly aıtyp berdi», delingen habarlamada.

Ol sonymen qatar BUU-nyń jahandyq beıbitshilik pen qaýipsizdikti saqtaý, adam quqyqtaryn qorǵaý, ekonomıkalyq jáne áleýmettik progreske atsalysý boıynsha qazirgi kezdegi róli týraly óz oıymen bólisti. Elshi Qazaqstannyń BUU Qaýipsizdik Keńesinde 2017-2018 jyldardaǵy jumysynyń negizgi basymdyqtary týraly aıtyp, magıstranttardyń suraqtaryna jaýap berdi.

«Biz aımaǵymyzdan BUU Qaýipsizdik keńesine saılanǵan alǵashqy memleket boldyq, jáne búginde Qazaqstannyń halyqaralyq bedeli álemdik arenada elimizdiń múddelerin árqashan nyq jáne sheber qorǵap kelgen Elbasynyń kóregen bastamalary men dıplomatııalyq kúsh-jigeriniń arqasynda aıtarlyqtaı ósti. Búginde bul bizdiń dıplomattarymyzdyń BUU-daǵy jumysyn edáýir jeńildetip otyr», - dedi Q.Omarov.

Kezdesýge qatysýshylar arasynda halyqaralyq qatynastar jáne álemdik saıasat, memlekettik basqarý, PR jáne korporatıvtik kommýnıkaııalar, jýrnalıstıka jáne bilim berýdegi sandyq medıa salalaryndaǵy bolashaq mamandar boldy.

 

Sońǵy jańalyqtar