29 Qarasha, 15:13 792 0 Jańalyqtar Túrkistan Gazeti

Latyn álipbıi boıynsha semınar-keńes ótti

Nur-Sultan qalasynda Shaısultan Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynyń uıymdastyrýymen «Latyn grafıkasyndaǵy BAQ múmkindigi jáne máseleleri» degen atpen semınar-keńes ótti.

Is-shara barysynda qazaq tiliniń jahandaný úderisindegi latyn grafıkasyna kóshýdegi logıkalyq maǵynasy, qazaq tiliniń damýyndaǵy onyń róli men mańyzdylyǵy máselesi sóz boldy. Jahandaný jáne ulttaný úderisindegi qazaq tiliniń ómirsheńdigin arttyratyn reforma retindegi jańa álipbıge kóshý barysy talqylandy.

Semınar-keńes aıasynda sóz alǵan Sh.Shaıahmetov atyndaǵy «Til qazyna» ulttyq ǵylymı-praktıkalyq ortalyǵynyń ǵalym hatshysy Anar Fazyljanova orfoepııany qazaq tiliniń ǵylymı kýrsyna engizýdiń mańyzdylyǵyna toqtalsa, ortalyqtyń qoǵammen baılanys bóliminiń basshysy, IT mamany Móldir Baqytqyzy kırıl álipbıin latyn álipbıine avtomatty túrde aýdaratyn platformalardy tanystyrdy. Jıynǵa qatysýshylar latyn álipbıine kóshý boıynsha usynystaryn jetkizdi.

Araılym Joldasbekqyzy

 

Sońǵy jańalyqtar