28 Qarasha, 15:57 821 0 Qoǵam Ásel ÁNÝARBEK

Qandastar elordada bas qosty

Búgin Nur-Sultan qalasynda «Otandastar. Bolashaqqa baǵdar» atty halyqaralyq dóńgelek ústel shymyldyǵyn túrdi. Shara aıasynda shet memleketterden kelgen qandastarymyz bas qosty.

 

Halyqaralyq dóńgelek ústel «Otandastar qory» KEAQ jáne «Dúnıejúzi qazaqtarynyń qaýymdastyǵy» RQB uıymdastyrýymen ótýde. Jıynnyń ashylý saltanatyna Memlekettik hatshy Qyrymbek Kósherbaev, Premer-mınıstrdiń orynbasary Berdibek Saparbaev, Aqparat jáne qoǵamdyq damý mınıstri Dáýren Abaev, «Otandastar qory» KEAQ prezıdenti Nurtaı Ábiqaev qatysty.

 

Qyrymbek Kósherbaev, Memlekettik hatshy:

– Táýelsizdik alǵaly beri elimizge 1 mıllıonan astam qandasymyz kelip, Otanymyzdyń bir-bir ýyǵyna aınalyp, memleketimizdiń órken jaıýyna úlesterin qosýda. Qandastarymyzdyń baspanamen jáne jumyspen qamtý máselesi 2017-2021 arnalǵan «Eńbek» baǵdarlamasy aıasynda óziniń sheshimin taýyp otyr. Sonymen birge, qazirgi ýaqytta shetelden kelgen aǵaıyndarǵa qujatty resimdeýde kórsetiletin qyzmetterdi ońtaılandyrý, sheteldegi otandastardy memlekettik turǵyda qoldaý týraly zańnamalyq tetikterdi engizý jóninde de mańyzdy sharalar da qolǵa alynady.

 

Berdibek Saparbaev, Premer-mınıstrdiń orynbasary:

– Sheteldegi qandastarymyzdyń ishinde myqty qaltaly azamattarymyz, ǵalymdar men ónerpazdar bar. Olar ózderiniń Otandaryna kómektesý kerek. Sizder baspasózden jaqsy bilesizder: armıandar men evreılerdiń Armenııaǵa, Izraılge qalaı kómek jatqany belgili. Bizde de solaı bolý kerek. Qansha degenmen Otanymyz bir – Qazaqstan. Amerıkada turasyń ba, Qytaıda turasyń ba – júregiń Qazaqstan dep soǵý kerek. Sondyqtan bizdiń ótinishimiz – osy jaǵyna da kóńil bólseńizder.

Dáýren Abaev, Aqparat jáne qoǵamdyq damý mınıstri:

– Biz sheteldegi qandastardy qoldaýdyń jańa tetigin keshendi túrde pysyqtap jatyrmyz. Ol – halyqaralyq tájirıbege negizdelgen mehanızm. Ekinshiden, mınıstrlik etnıkalyq qazaqtardyń elimizge kóshý rásimin ońtaılandyrýǵa baǵyttalǵan júıeli sharalar ázirleý boıynsha úlken jumys júrgizdi. Biz adamdardyń «qandas» mártebesin alýǵa ótishin berýinen bastap qazaqstandyq pasport bergenge deıin barlyq proesti taldap, qandastardan suralatyn qujat sanyn 46-dan 20-ǵa deıin qysqartamyz.

Nurtaı Ábiqaev, «Otandastar qory» KEAQ prezıdenti:

– Shet eldegi otandastar men qazaq mádenı ortalyqtaryn qoldaý maqsatynda shekaralyq oblystarmen memorandýmdarǵa qol qoıý arqyly shet elderdegi qazaq mádenı ortalyqtaryna qamqorlyq jasaýdy qolǵa aldyq. Alaıda aldymyzda áli de talaı asý bar. Túıini tarqamaǵan túıtkilder, kúrmeýi sheshilmegen kúrdeli jáıtter de joq emes. Osy oraıda «Otandastar qory» jumysynyń tıimdiligi men nátıjeliligin arttyrýǵa baılanysty birqatar uıymdastyrý máselelerin kesheýildetpeı sheshý kerek dep oılaımyz.

 

Aıta keteıik, dóńgelek ústel aıasynda taqyryptyq paneldik sessııalar uıymdastyrylýda. Shet memleketterdegi qazaqtildi BAQ ókilderi qatysqan paneldik sessııada jýrnalıster arasyndaǵy ózara yntymaqtastyq máselesi sóz boldy. «Abaı» mádenı ortalyǵynyń paneldik sessııasynda qazaq mádenıetin, ónerin, ádebıetin shet memleketterde damytý máselesi talqylanýda. Al «Jas Qazaq» jastar klýbynyń paneldik sessııasynda shet elderdegi qazaq jastaryn tarıhı Otanyn aınalasyna shoǵyrlandyrý jáne olarǵa jan-jaqty qoldaý kórsetý máselesi qozǵalady.

Sońǵy jańalyqtar