25 Qarasha, 21:51 490 0 Nur Otan Anar LEPESOVA

Nursultan Nazarbaev: Máslıhattardyń mártebesin nyǵaıtý qajet

Nursultan Nazarbaev "Nur Otan" partııasy oblystyq fılıaldarynyń ókilderimen kezdesti, dep habarlady  Elbasynyń resmı saıty. 

Otyrysqa "Nur Otan" partııasynyń Parlament Májilisindegi Frakııa  depýtattary, máslıhat frakııalarynyń hatshylary men jetekshileri qatysty. Kezdesý barysynda partııa tóraǵasynyń birinshi orynbasary Baýyrjan Baıbek jáne partııa fılıaldarynyń  ókilderi baıandama jasady.

Baıandamashylardy tyńdaǵan soń, Elbasy "Nur Otan" partııasynyń qalyptasýy men damýyna úles qosqan barlyq músheleriniń eńbegin  atap ótti.

"Nur Otan" bizdiń qoǵamymyzdyń alýan túrliligin kórsetedi. Biz – el bolashaǵyna jaýapty búkil Qazaqstan halqynyń partııasymyz, naqty ister partııasymyz.  Bizde Qazaqstannyń damýyna qatysty naqty ustanym bar, tıisti strategııa men jumys josparlary bekitildi, qajetti resýrstar qarastyrylǵan, - dedi Qazaqstannyń Tuńǵysh prezıdenti.

Sonymen qatar, partııa tóraǵasy qoǵamdy Qazaqstan prezıdenti Qasym-Jomart Toqaevtyń tóńireginde toptastyrýdyń jáne memleket basshysy alǵa qoıǵan mindetterdi júzege asyrý úshin sharalar qabyldaýdyń mańyzdylyǵyna toqtaldy.

Sonymen birge, Nursultan Nazarbaev Qazaqstannyń táýelsizdik jyldaryndaǵy tabystary týraly aıtyp, eldiń barlyq jetistikteri partııamen jáne partııa músheleriniń kúndelikti jumysymen tyǵyz baılanysty ekenin atap ótti.

Sońǵy jyldary Qazaqstannyń jalpy ishki ónimi 11 mıllıardtan 170,5 mıllıard dollarǵa deıin ósti. 90-jyldardyń basynda halyqtyń úshten birinen kóbi kedeılik sheginde ómir súretin. Búgin bul kórsetkish 4,6%-ǵa deıin tómendedi. Shaǵyn jáne orta bıznestiń JIÓ-degi úlesi 27% quraıdy. Biz 300 mıllıard dollardan astam tikeleı sheteldik ınvestıııa tarttyq. Osy jyldar ishinde Qazaqstannyń tranzıttik áleýetin edáýir nyǵaıta aldyq, - dedi Elbasy.

Sondaı-aq, Tuńǵysh prezıdent Qazaqstannyń 2050 jylǵa deıingi damý strategııasynyń negizgi basymdyqtaryn alǵa jyljytý jáne túsindirý boıynsha jumysty uıymdastyrýdyń mańyzdylyǵyna nazar aýdardy.

Nursultan Nazarbaev Úkimettiń ekonomıkanyń jekelegen salalaryn odan ári damytý jónindegi josparlaryna jeke toqtaldy.

Úkimet óńirlerdi, ásirese, aýyldardy qoldaýǵa, jańa jumys oryndaryn qurýǵa jáne áleýmettik máselelerdi sheshýge baǵyttalǵan baǵdarlamalar qabyldady. Máselen, 2026 jylǵa deıin aýyldardy qoldaýǵa 2 trıllıon teńgege jýyq qarajat qarastyrylyp otyr. Aldaǵy úsh jylda halyqty aýyz sýmen qamtamasyz etýge 560 mıllıard teńge bólý josparda bar. Osy jumystar naqty oryndalatyn bolsa, 2023 jyldyń sońyna qaraı aýyldy jerlerdiń barlyǵy sapaly aýyz sýmen qamtylady , - dedi partııa tóraǵasy.

Sonymen qatar, Elbasy shaǵyn jáne orta bıznestiń el ekonomıkasyndaǵy úlesin ulǵaıtý boıynsha josparlanǵan sharalar men "Eńbek" baǵdarlamasyn iske asyrýdyń boljamdy nátıjeleri týraly aıtty.

Aldaǵy eki jylda "Eńbek" baǵdarlamasymen shamamen 1,5 mıllıon adam qamtylyp, 750 myńnan astam jumys orny ashylady. 2020-2025 jyldary shamamen 1 mıllıon páter salynatyn bolady, - dedi Nursultan Nazarbaev.

Jıyn barysynda Qazaqstannyń Tuńǵysh prezıdenti partııanyń jergilikti jerlerde jumys tıimdiligin odan ári arttyrýdyń birqatar negizgi baǵyttaryn atady.

Ár ákimniń jáne máslıhattardaǵy frakııa depýtattarynyń partııalyq jaýapkershiligin túbegeıli kúsheıtýimiz kerek. Búgingi tańda barlyq reformalar óńirlerdi damytýǵa baǵyttalǵan. Máselen, sońǵy 10 jyldyń ishinde jergilikti bıýdjetter 3 esege jýyq ósip, 4,7 trln teńgeni qurady. Bólingen qarajattyń jumsalýyna partııalyq baqylaýdy uıymdastyrý mańyzdy. Sonymen qatar, depýtattardyń jumysyn odan ári jaqsartý jáne barlyq máslıhattardyń mártebesin nyǵaıtý jónindegi sharalardy qabyldaý qajet, - dedi Nursultan Nazarbaev.

Sonymen qatar, "Nur Otan" partııasynyń Tóraǵasy ár oblysta, qalada jáne aýdanda saılaýaldy baǵdarlamalaryn daıyndaýdy qamtamasyz etýdi tapsyrdy.

Kelesi jyly óńirlerdi damytýdyń besjyldyq baǵdarlamalaryn iske asyrý aıaqtalady. Jańa baǵdarlamalardy qabyldaý qajettiligi jańa elektoraldyq kezeńge sáıkes kelip otyr. Sondyqtan bul baǵdarlamalar ár óńir boıynsha máslıhat saılaýynda partııanyń saılaýaldy baǵdarlamasynyń negizine aınalýǵa tıis. "Nur Otan" partııasynyń Májilis saılaýyndaǵy saılaýaldy baǵdarlamasyna keletin bolsaq, bul jumysty Saıası keńes Bıýrosynyń múshesi retinde premer-mınıstr basqarýy qajet. Bul baǵdarlamany qazirden bastap daıyndaýǵa kirisken jón, - dedi Qazaqstan Respýblıkasynyń Tuńǵysh prezıdenti.

Sonymen birge, Elbasy sapaly partııalyq tizimderdi qalyptastyrý úshin ashyq ishki partııalyq irikteý júrgizýdiń mańyzdylyǵyna nazar aýdardy.

Ár máslıhattaǵy saılaýaldy partııalyq tizimderge keminde 30% áıelder jáne 20% 35 jasqa deıingi jastar enýi kerek. Sondaı-aq, tizimge halyqtyń túrli toptarynyń ókilderi, elge oralǵan otandastar, múmkindigi shekteýli jandar, kásipkerler men BAQ ókilderi enýge tıis, - dedi Nursultan Nazarbaev.

Sonymen qatar, partııa tóraǵasy jergilikti jerlerde partııa organdarynyń jumysyn kúsheıtý jáne partııanyń el óńirlerindegi biriktirýshi rólin arttyrý qajettiligin atap ótti.

Sóz sońynda Elbasy taǵy da partııanyń elektoraldy kezeń qarsańyndaǵy jumysyn kúsheıtýdiń mańyzdylyǵyna toqtaldy.

Jeńiske jetý úshin barlyq resýrstardy jumyldyrýymyz kerek. Aqpan aıynda partııa sezi ótedi. Onda biz partııa jumysyn jandandyrýdyń aldyn-ala nátıjelerin shyǵaryp, aldaǵy elektoraldyq mindetterdi egjeı-tegjeıli talqylaımyz. Qazir "Jas Otan" memlekettik organdarmen birlesip 2025 jylǵa deıin jańa "Jastar-Otanǵa" baǵdarlamasyn ázirleýde. Onda búgingi jastardyń barlyq suranystaryna jaýaptar kórsetiledi. Sáýir aıynda jańa baǵdarlama "Jas Otan" sezine usynylýy qajet, - dedi Nursultan Nazarbaev.

basık2.jpg

Kezdesý barysynda Elbasy belsendi múshelerdi "Nur Otan" partııasynyń damýyna qosqan úlesi úshin "Belsendi qyzmeti úshin" medalimen marapattady

Sońǵy jańalyqtar