22 Qarasha, 22:05 275 0 Ishki saıasat Anar LEPESOVA

Prezıdent memlekettik organ basshylarynyń syrtqy qaterlerge daıyndyǵyn tekserdi

Búgin qarýly kúshterdiń joǵarǵy bas qolbasshysy Qasym-Jomart Toqaevtyń basshylyǵymen qorǵanys mınıstrliginde strategııalyq komandalyq-shtabtyq oqý-jattyǵýlary ótti. Sharaǵa memlekettik organdardyń birinshi basshylary qatysty, dep habarlaıdy Aqorla. 

"Oqý-jattyǵý barysynda elimizge tónetin syrtqy qaterlerdi boldyrmaý úshin áskerı jáne áskerı emes sıpattaǵy memlekettik sharalardy júzege asyrý máseleleri pysyqtaldy", - delingen aqparatta.

Memleket basshysyna oqý-jattyǵýlardyń negizgi mindetteri men kezeńderi týraly málimet berildi. Atalǵan oqý-jattyǵýlar qazirgi syn-qaterlerdi eskere otyryp, Qazaqstan Respýblıkasynyń qorǵanys júıesi men áskerı qaýipsizdigin saqtaý maqsatynda vedomstvoaralyq is-qımyldardy nyǵaıtýǵa baǵyttalǵan.

Toqaev áskerı qaýipsizdik salasyndaǵy normatıvtik-quqyqtyq aktilerdi jetildirý, sondaı-aq qorǵanys júıesi aldyndaǵy mindetterdi sheshý úshin memlekettik organdardy daıyndaý sharalaryn jolǵa qoıý jóninde birqatar tapsyrma berdi.

Oqý-jattyǵý sońynda memleket basshysy ózderiniń áskerı boryshtaryn atqarý kezinde qaza tapqan Qazaqstan armııasynyń sarbazdary men ofıerleriniń rýhyna taǵzym etti.

 

Sońǵy jańalyqtar