21 Qarasha, 21:18 290 0 Kólik Túrkistan Gazeti

Balalar qaýipsizdigi taǵy sóz boldy

Keshe ótken Parlament Májilisiniń jalpy otyrysynda elimizdegi mektepterdi ınspektorlarmen jetkilikti deńgeıde qamtamasyz etý talap etildi. Bul týraly depýtat Irına Ýnjakova bastama kóterip, Premer-mınıstr Asqar Mamınniń atyna depýtattyq saýal da joldady. 

Halyq qalaýlysy Irına Ýnjakovanyń aıtýynsha, kóp jaǵdaıda ınspektorlar mektepte emes, jıyndar men túrli sharalarda júredi. Tipti, depýtat mektep ınspektorlarynyń óz qyzmetinde uzaq turaqtamaıtynyn da tilge tıek etti. «Olardyń jıi aýysýy saldarynan balalar da, muǵalimder de mektep ınspektorynyń túrin este saqtap úlgermeıdi. Ishki ister mınıstrligi  málimetinshe, qazirgi kezde mektep ınspektorlarymen jasaqtalmaý deńgeıi 2 000 birlikti qurap otyr», – dedi depýtat.

Sonymen qatar Irına Ýnjakova balalardyń mektepterde tıisti deńgeıde qorǵalmaıtynyn sóz etti. Oǵan apta basynda Tarazda oryn alǵan oqıǵa sebep. Aıta keteıik, Taraz qalasyndaǵy №6 mekteptiń 7-synyp oqýshysyn bilim ordasynyń ájethanasynda zorlap ketken edi. «Tarazdaǵy tragedııa mekteptegi beınebaqylaý júıesiniń tıimsizdigin kórsetti. Resmı jańalyqtarda atalǵan er adam monıtorlarda bir saǵat boıy kórinip turǵany habarlandy. Alaıda oǵan eshkim nazar aýdarmaǵan. Jalpy, bilim berý uıymdarynda balalardyń ómiri men qaýipsizdigine mektep mekemesinde jumys isteıtin barlyq adam jaýapty, onyń ishinde mektep ınspektorlary da bar», – dep atap ótti ol.

Mańyzdy máselelerdi jipke tizgen depýtat keshendi ári júıeli sharalardy qabyldaý týraly usynys bildirdi. Ásirese, barlyq mektepti ǵımarat ishindegi ájethanamen qamtamasyz etý, beınebaqylaý júıesin ıntegraııalaý jumystaryn jedeldetý qajettigi eskertildi. Sondaı-aq mektep ınspektorlarymen tolyqtaı qamtamasyz etý, beıtanys adamdardyń bilim berý mekemesiniń aýmaǵyna kirýin shekteý boıynsha qatań tártip engizý usynyldy.

 

Sońǵy jańalyqtar