21 Qarasha, 21:14 306 0 Qoǵam Túrkistan Gazeti

Sıngapýr modeli – tıimdi úlgi

Keshe elimizdiń bas qalasynda Strategııalyq  bastamalar forýmy ótti. Forýmǵa CSI sarapshylary, memlekettik organdardyń, ulttyq kompanııalardyń basshylary, qoǵam jáne saıasat qaıratkerleri, ekonomıster qatysty.

Mańyzdy shara barysynda el damýynyń ózekti máseleleri, jańa «ósim núktelerin» tabý jaıttary talqylandy. Eń aldymen sarapshylar jańa ekonomıkalyq saıasat jáne bank sektoryna qatysty máselelerdi sóz qyldy. Bul rette Strategııalyq bastamalar ortalyǵynyń bas seriktesi Oljas Qudaıbergenov ortalyq ázirlegen jańa ekonomıkalyq saıasattyń Qazaqstanda uzaqmerzimdi nesıe kólemin arttyrýǵa múmkindik beretinin atap ótti. «Biraq eń aldymen problemalyq nesıelerdiń barlyǵyn qaıta qurylymdaý qajet. Qazirgi kezde bank sektory túbegeıli tekserilip jatyr, tekseris nátıjesinde saladaǵy naqty túıtkilderdiń bári anyqtalady. Sodan keıin qaıtarymsyz nesıeniń bárin qaıta qurylymdap,  bank sektoryn tazalaý qajet. 2007 jyly ishki jalpy ónimdegi nesıe kólemi 57 paıyzdy quraǵan, biz osy kórsetkishke qol jetkize alamyz. Alaıda burynǵy qatelikterdi qaıtalamas úshin, alyp-satýǵa qarsy sharalardy qolǵa alý kerek», – dedi Oljas Qudaıbergenov.

Sondaı-aq forým aıasynda elimizdiń zeınetaqy júıesin Sıngapýr úlgisinde qaıta jańǵyrtý usynyldy. Sarapshylardyń pikirinshe, dál qazir bul model Qazaqstan úshin eń qolaıly ári tıimdi úlgilerdiń biri. Jańa model eńbekaqy tóleý qoryna salynatyn salyqty azaıtýǵa da múmkindik beretin kórinedi.

 

Sońǵy jańalyqtar