21 Qarasha, 10:39 285 0 Aımaq Anar LEPESOVA

Almaty ákimi qala turǵyndaryna úndeý joldady

Búgin Almaty ákimi Baqytjan Saǵyntaev óziniń Instagram paraqshasynda «Almaty-2050» damý strategııasyn qala turǵyndarynyń talqysyna usyndy.

Sóz basynda qala ákimi Elbasy tapsyrmasyna sáıkes ázirlengen asa mańyzdy qujattyń elimizdegi eń iri megapolıs – Almatynyń jan-jaqty damý baǵdaryn aıqyndaıtynyn tilge tıek etti.

«Ózderińizge belgili, qala basshylyǵyna taǵaıyndalǵaly beri Sizdermen birge ekologııa, qaýipsizdik, sýmen qamtamasyz etý jáne taǵy da basqa sol sekildi kezek kúttirmeıtin ózekti máselelerdi kún tártibinde qarastyryp kelemiz. Qalamyzdyń shet aımaqtaryn damytýǵa baǵyttalǵan «Jańa Almaty» jobasy ázirlendi. «Úlken Almatyny» qurý men aglomeraııalardy damytý josparyn naqtylaı tústik. Kúni keshe bul jobalar jóninde Memleket basshysyna baıandadym. Sondaı-aq, aldaǵy ýaqytta da qala turǵyndaryn buqaralyq aqparat quraldary arqyly keńirek aqparattandyrýǵa tyrysamyn», - dep jazdy qala ákimi.

Aıta ketý kerek, bul – aldaǵy 3-5 jylǵa deıingi jumys josparlaryn qamtıtyn uzaq merzimdi strategııalyq qujat.

Osy rette Baqytjan Saǵyntaev bul qujat jobasynyń kásibı mamandarmen, sarapshylarmen birlese otyryp ázirlenip, Iskerlik qoǵam komıtetteriniń, Qoǵamdyq keńes músheleri men qala belsendileriniń qatysýymen jan-jaqty talqylanǵanyn jetkizdi.

Sóz sońynda ákim Almaty álemniń 100 damyǵan qalalarynyń qataryna enýi úshin ár turǵynynyń pikiri mańyzdy ekenin atap ótti.

«Almaty-2050» strategııasy – naq osy talaptarǵa sáıkestendirilgen qujat. Bul ózgeristerge  daıyn bolyp, kúrdeli suraqtarǵa jedel jaýap berý men ýrbanızaııa daǵdarysynyń aldyn alýǵa jasalǵan naqty qadam», – dedi Baqytjan Saǵyntaev.

Sońǵy jańalyqtar