21 Qarasha, 09:14 527 0 Zań Anar LEPESOVA

Jambylda kisi óltirgen qylmysker 21 jyldan keıin ustaldy

Jambyl oblysy Moıynqum aýdanynda kisi óltirgen qylmysker 21 jyldan soń anyqtalyp, ustaldy, dep habarlaıdy QazAqparat.

Bıyl 16 qarashada Jambyl oblysy Moıynqum aýdany polıııa bólimi qyzmetkerleri júrgizgen jedel-izdestirý sharalarynyń nátıjesinde 21 jyl buryn kisi óltirgen Moıynqum aýylynyń 61 jastaǵy turǵyny anyqtalyp, ustaldy. Bul týraly oblystyq polıııa departamentiniń baspasóz qyzmeti habarlady.

«Kúdikti óz túsiniktemesinde atalǵan jaǵdaıdyń dostarymen ishimdik iship, eregesip qalýy saldarynan bolǵanyn málimdedi. Ereges kezinde kúdikti «IJ» markaly 12-kalıbrli qarýdan oq atyp, er adam oqıǵa ornynda ajal qushady. Tergeý jumystarynyń barysynda kúdiktiniń kórsetýimen úıiniń aýlasynan jerlengen máıittiń qaldyqtary tabyldy»,-delingen vedomstvo habarlamasynda.

Sonymen qatar, 1998 jyly bolǵan qylmystyq oqıǵaǵa qatysty oq daýysyn estigen kýágerdiń túsiniktemesi bar. Odan bólek, kúdikti 2013 jyly erikti túrde qarý ótkizý akııasy aıasynda oq atylǵan qarýdy Moıynqum aýdany ishki ister bólimine ótkizgenin aıtty. Ótkizgeni týraly málimet AEK-ǵa tirkelgen. Búginde atalǵan derek boıynsha QR QK-niń 99-baby 1-bólimimen (kisi ólimi) sotqa deıingi tergeý amaldary júrgizilýde. Sot-medıınalyq saraptamasy taǵaıyndaldy.

 

Sońǵy jańalyqtar