21 Qarasha, 08:26 270 0 Qoǵam Anar LEPESOVA

Reseıde qazaqstandyq Aýǵan soǵysy ardagerleri marapattaldy

20 qarashada Qazaqstannyń Reseıdegi Elshiliginde Reseı Federaııasy Qorǵanys mınıstrliginiń muraǵatynan alynǵan jáne Reseı Federaııasynyń Prezıdenti Ákimshiliginiń memlekettik nagradalar bólimi elshilikke tapsyrǵan Aýǵanstandaǵy soǵys ardagerlerine «Erligi úshin» jáne «Jaýyngerlik qyzmeti úshin» marapattaryn tapsyrý salatanaty ótti.

«Adamzat tarıhynda kez kelgen soǵys – úlken qasiret. Bul orny tolmas qaıǵy, biraq, sonymen birge ár soǵysta batyrlyq, batyldyq pen erlikke oryn bar. Búgin bul marapat óz qaharmandaryn tapty», - dedi Qazaqstannyń Reseıdegi elshisi Imanǵalı Tasmaǵambetov is-sharaǵa qatysýshylardy quttyqtaı otyryp.

Baýyrjan Muhametjarov osy kúnge jete almaǵan atasy Qaıyrbolatqa tıisti nagradany aldy.

"Qazaqstannyń Reseıdegi elshiliginiń, Aýǵanstan ardagerleriniń odaǵynyń kúshimen biz kópten kútken marapatqa ıe boldyq. Bul birlese atqarǵan juamystardyń jemisi. Endi bul medal bizdiń otbasymyz úshin qasterli bolady. Ákemdi kórmedim, biraq onyń erligi maǵan árqashan úlgi boldy. Men ony maqtan tutamyn", - dedi Baýyrjan óz emoııasymen bólisip.

Marapattaý rásimine Keńes Odaǵynyń Batyry, Ingýshetııanyń tuńǵysh prezıdenti general-leıtenant Rýslan Aýshev qatysty. Ol kóptegen jyldar boıy Aýǵan soǵysynyń shyndyǵy umytylmaýy úshin kóptegen jyldar boıy aıanbaı eńbek etip keledi.

Rásimge sondaı-aq Qazaqstan Respýblıkasy Parlamenti Májilisiniń depýtaty Baqytbek Smaǵul, Qazaqstandaǵy Aýǵanstan ardagerleri odaǵynyń tóraǵasy Sháripbaı Ótegenov, sonymen qatar Aýǵan soǵysynyń ardagerleri qatysty. Shara barysynda qazaqstandyq ardagerler «Belgisiz soldat qabirine» gúl shoqtaryn qoıdy, Jeńis mýzeılerin aralap, qarýlas serikterimen kezdesti. Búgin Aleksandr Kashın, Berikbol Kýlov, Kóshkeldi Omarov, Talǵat Sahov, Jumahan Shońǵaraev, Álim Jumataev, Baýyrjan Muhametjarov tıesili marapattaryn qabyldap aldy.

Sonymen qatar, Máskeýge sapar barysynda birneshe qazaqstandyq ardagerge emdeý sharalary uıymdastyryldy. Osy qoldaýdyń arqasynda olardyń kórý qabileti jaqsardy.

 

Sońǵy jańalyqtar