20 Qarasha, 15:40 354 0 Áleýmet Anar LEPESOVA

Almaty: 12 jasar qyzdy belgisiz er adam pyshaqpen qýǵan

Almatynyń Orbıta-1 yqshamaýdanyndaǵy № 60 mektep-gımnazııasynyń mańynda 12 jastaǵy oqýshy qyzǵa qolynda pyshaǵy bar er adam shabýyl jasady. Oqýshy qyz qashyp úlgergen, dep habarlaıdy Tengrinews.kz qyzdyń anasyna silteme jasap.

Oqıǵa 19 qarashada shamamen 10:30-da mektepten 500 metr jerde bolǵan. Anasynyń aıtýynsha, qyz bala ázer degende qutylyp, gımnazııaǵa qaraı qashqan. Er adam jylap bara jatqan qyzdyń artynan óksheleı qýǵan.

"Ol qarama-qarsy kele jatqan, sosyn qyzymdy kórip, artynan erip, pyshaq urǵan. Qyzym bir janymen kórip qalyp, buǵyp úlgergen. Qyzym soqqydan qashyp, otyryp qalyp, ary qaraı qashqan. Sol kezde er adam shalynyp qulasa kerek. Biraq ornynan tura sala, aýzyna kelgen boqtyq sózderdi borata, qaıta qýǵan. Onyń qolynda pyshaqqa uqsas birdeńe bolǵan. Er adam qyzymnyń sońynan mektepke deıin barypty. Vıdeoda qyzymnyń júgirip kirgeni bar, al er adam kórinbeıdi. Álbette men polıııaǵa habarladym", - deıdi zardap shekken qyzdyń anasy Krıstına.

Áıeldiń aıtýynsha, qyz bala qatty qorqyp qalǵan jáne mektepke barýǵa qorqady. Krıstına osyndaı qylmystarǵa kúdikti sanalǵan er adamnyń ınternetten er adamnyń fotorobotyn tapqan. Bul sýret Alataý aýdanynda 2017 jyly bolǵan qylmystan keıin jasalǵan fotosýret eken. Sol kezde er adam 15 jastaǵy qyzdy pyshaqtamaq bolǵan, polıııa qylmystyq is qozǵaǵan, alaıda kúdiktini tappaǵan.

Fotorobotty Krıstına qyzyna kórsetkende, ol ózine shabýyl jasaǵan er adamdy tanyǵan.

"Onyń jasy shamamen 49-50-de. Qazir biraq saqaly joq. Kameralar kóp bolǵanda durys bolar edi. Sebebi balabaqshada ornalasqan kamera qylmysty túsirmegen. Tek onyń artynan júrgenin túsirgen. Polıııada osy vıdeo bar", - deıdi ol.

№60 mektep te bul oqıǵadan habardar. Oqý bóliminiń meńgerýshisi Sandýǵash Ábilqasymova ata-analarǵa ol jaıly eskertken.

"Bizde mektepke kireberiste ǵana kamera bar - biraq vıdeony qaraǵanda, onda eshteńe túspepti. Qyz bala qatty shoshyp qalǵan, psıhologtarmen sóılesti, ata-anasyn, polıııany shaqyrdyq. Olar osy aýmaqty qarap shyqty, biraq nátıje joq. Biz barlyq ata-anaǵa eskerttik. Bizde ekinshi aýysymda altynshy synyp oqýshylary oqıdy, alańdap otyrmyz. Eger mekteptiń avtobýsy bolsa, qaýipsizdik máselesi sheshiler edi", - deıdi Sandýǵash Ábilqasymova.

Sońǵy jańalyqtar