20 Qarasha, 15:29 306 0 Aımaq Anar LEPESOVA

Pavlodarda Abaı men Estaıǵa eskertkish ornatylady

Keler jyly Pavlodar qalasynda Abaı men Estaı Berkimbaıulyna eskertkish ornatylady. Búginde eskertkishterdiń úlgisin jasaý úshin músinshiler arasynda baıqaý ótkizilýde, dep habarlaıdy pavlodarnews.kz.

Pavlodar qalasy mádenıet jáne tilderdi damytý bóliminiń basshysy Samal Begalınova baıqaýǵa tek Pavlodardyń ǵana emes, Nur-Sultan, Almaty, Qaraǵandy jáne Aqtóbeniń de músinshileri jumystaryn usynǵanyn atap ótti.

«Aldaǵy jyly uly aqyn, aǵartýshy Abaıdyń 175 jyldyǵy atalyp ótedi. Respýblıkalyq deńgeıde toılaý barysynda Abaıǵa arnalǵan eskertkish joq qalalarda músin ornatý usynylǵan. Bul eskertkishke qatysty baıqaýǵa 8 músinshiden 11 úlgi kelip tústi. Ázirge onyń úsheýi iriktelip alyndy», - dedi Samal Begalınova.

Abaıǵa arnalǵan eskertkish Abaı-Krıvenko kósheleriniń qıylysynda ornalasatyn bolady.

Sonymen qatar, kórnekti ánshi, aqyn-sazger, QazSSR-niń eńbek sińirgen óner qaıratkeri Estaı Berkimbaıulynyń eskertkishi oblys ortalyǵyndaǵy qalalyq saıabaqtyń Estaı-Akademık Bekturov kósheleriniń qıylysatyn tusynda oryn teppek.

«Estaı atamyzǵa arnalǵan eskertkishtiń máselesi 9 jyldan beri kóterilip keledi. Baıqaý barysynda eskertkishtiń 9 úlgisi usynyldy. Aıta keteıik, qazaqtyń qos tulǵasyna arnalǵan eskertkishterge bıýdjetten tys qarjy qarastyrylýda», - dedi bólim basshysy.

 

Sońǵy jańalyqtar