20 Qarasha, 15:12 465 0 Ekologııa Anar LEPESOVA

Almatydaǵy Botanıkalyq baq Bilim jáne ǵylym mınıstrliginiń qaramaǵynan alynady

Almaty qalasynyń Bas botanıkalyq baǵy QR BǴM qaramaǵynan alynyp, ózge mınıstrlikke beriledi. Bul týraly QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Facebook jelisinde habarlady.

«Almaty qalasynyń Bas botanıkalyq baǵy (Botanıka jáne fıtoıntrodýkııa ınstıtýty) Qazaqstan Respýblıkasynyń aıryqsha qorǵaýyndaǵy tabıǵı aýmaq bolyp sanalady. QR Bilim jáne ǵylym mınıstrligi Ǵylym komıtetiniń vedomstvalyq baǵynyshty uıymy bolyp sanalady. Botanıkalyq baqty Almaty ákimdiginiń qaramaǵyna ótkizý máselesi qoıylǵan emes. Sáıkesinshe, bul jer aıryqsha qorǵaýyndaǵy tabıǵı aýmaq tiziminen alynbaıdy», - dep túsindirdi Sáken Dildahmet.

Onyń aıtýynsha, qazirgi ýaqytta Úkimet Botanıkalyq baqty QR Bilim jáne ǵylym mınıstrligi balansynan shyǵaryp, QR Ekologııa, geologııa jáne tabıǵı resýrstar mınıstrligine aýystyrý máselesin qarastyrýda.

 

Sońǵy jańalyqtar