20 Qarasha, 10:29 328 0 Qoǵam Anar LEPESOVA

Elimizde noýtbýktar, teledıdarlar men smartfondardyń baǵasy qymbattaıdy

Óndirýshiler men ımporttaýshylarǵa salynǵan jańa salyqqa baılanysty Qazaqstanda smartfondar, teledıdarlar men noýtbýktardyń baǵasy qymbattaýy múmkin, dep habarlaıdy «Habar 24».

Endi taýar jetkizýshi dybys jazatyn tehnıkanyń ár danasy úshin «antıpırattyq» tólemge taýar baǵasynyń 0,7%-in aýdarýy tıis. Bul qarajat ádette shyǵarmalary aqysyz qoldanylatyn dybys jáne beınejazba kontentiniń avtorlaryna beriledi. Jalpy ádiletti sheshim.

Alaıda, kompıýter men uıaly telefondar qymbattasa, odan tek tutynýshy zardap shegedi. Al, avtorlarǵa bólingen qarajat olarǵa jete me, álde orta jolda qala ma, ol da kúmándi. Zańnyń kúshine engenine 2 aı bolsa da, kásipkerlerdiń tıisti qarajatty qashan bóletini belgisiz.

Aıta ketý kerek, tólem jasalýy tıis qurylǵylar tizimi de anyq emes. Oǵan sandyq qurylǵylardan bólek, túrli jazbalar saqtaıtyn fleshkalar da enýi múmkin.

"Eger mýzykalyq týyndy nemese fılm jazylǵan dısk satylsa, bul týyndylardyń avtory bar, senarıin bireý jazdy, rejısser eńbek etti. Olarǵa aqy tólený kerek. Al, televızor satylsa qandaı avtorǵa jáne qansha qarajat tólený kerek? Osy jaǵy túsiniksiz", - deıdi  Kásipkerlerdiń quqyqtaryn qorǵaý boıynsha keńes tóraǵasy Baıramaly Ahmedov.

Sońǵy jańalyqtar