20 Qarasha, 10:22 277 0 Áleýmet Anar LEPESOVA

Nur-Sultan qalasynyń 0-9 synyp oqýshylary sabaqtan bosatyldy

Elordanyń Tótenshe jaǵdaılar departamenti Bilim basqarmasynyń sheshimi boıynsha 2019 jylǵy 20 qarashada  Aýa raıynyń qolaısyzdyǵyna baılanysty qala mektepteriniń 0-9 synyp oqýshylaryna sabaq bolmaıtynyn habarlady.

Aýa temperatýrasy mınýs 25-29 gradýs jáne odan tómen bolsa, daıyndyq tobynan bastap 4-synypqa deıingi oqýshylar úshin sabaq bolmaıdy. Al 30-34 gradýs aıaz bolyp, jeldiń jyldamdyǵy sekýndyna 2-4 metrden asqan jaǵdaıda 5-9 synyptardyń oqýy keıinge qaldyrylady. Al, joǵary synyp oqýshylary men kolledjdiń 1-2 kýrs stýdentteri aıaz 35 gradýsqa deıin kúsheıgen jaǵdaıda sabaqqa barmaıdy.

Nur-Sultan qalalyq bilim basqarmasynyń mamandary sabaqtyń toqtatylýyna qatysty aqparatty naqty derek kózderinen alýǵa shaqyrady, Aqparat birinshi aýysymǵa tańǵy saǵat 6:30-da, ekinshi aýysym úshin 12:00 kezinde jiberiledi.

- Jańalyqtardyń taratylatyny bar. Ata-analar soǵan senbeý kerek. Feık aqparattarǵa senbeı, resmı derek kózderinen alý kerek ekendigin eskertemiz. Birinshi kezekte ol 109 nómeri arqyly IKomek ortalyǵy, ekinshi kezekte tótenshe jaǵdaı qyzmetiniń SMS habarlamasy, oǵan qosa qalalyq ákimdiktiń, qalalyq bilim basqarmasynyń resmı saıttary bar. Odan keıin synyp jetekshisinen bilýge bolady. Osynda resmı derek kózderden aqparatty alýǵa bolady, - deıdi qalalyq bilim basqarmasy strategııa, taldaý jáne ıfrlyq tehnologııa bóliminiń basshysy Jazıra Asanova.

Sońǵy jańalyqtar