19 Qarasha, 11:51 486 0 Aımaq Anar LEPESOVA

Túrkistan oblysynan munaı tabyldy

Qazaqstannyń Ońtústiginen munaı tabyldy. 

Túrkistan oblysy Úlken Qarataýdaǵy Shoqpaq ýchaskesinde paleozoı jynystarynan munaı belgileri anyqtalǵan, dep habarlaıdy "Almaty" arnasy.

Bul týraly QR Ekologııa, geologııa jáne tabıǵı resýrstar mınıstrligi málimdedi. Arnaýly ekspedıııa boksıt, onymen qosa qorǵasyn, myrysh jáne sırek kezdesetin basqa da zattardy tabý úshin Úlken Qarataýdyń Leontev oıysyndaǵy geofızıkalyq túzilimderdi zerttegen. Ol úshin 300 metrge deıingi uńǵymalar qazylǵany belgili boldy.

Vedomstvo dereginshe, burǵylanǵan 39 uńǵymanyń on birinen qońyr tústi suıyq munaı tabylypty. Budan tys, burǵylaý kezinde tabıǵı baılyqtyń qabyrshaqtary bólinip shyqqan. Túrkistan oblysyndaǵy «qara altyn» belgileri elimizdiń taýlarynan tabylǵan alǵashqy munaı bolyp tabylady. Bul Syrdarııa, Shý-Sarysý oıpattarynan munaı jáne gazdy izdeý úshin asa mańyzdy qadam boldy.

Sońǵy jańalyqtar