19 Qarasha, 11:23 275 0 Kólik Anar LEPESOVA

Almaty polıııasy temirjol boıynda baqylaýdy kúsheıtedi

Polıııa ókilderi temirjol qyzmetkerlerimen birlesip Almaty-1 vokzalynda qadaǵalaý sharalaryn kúsheıtpek, dep habarlaıdy «Habar 24».

Óıtkeni, temirjol boıynda keleńsiz oǵıǵalar jıilegen. Máselen, bir jylda jelidegi polıııa ınspektorlary temirjoldaǵy ruqsat etilmegen jerden ótken azamattarǵa qatysty 1500 ákimshilik hattama toltyrǵan. Aıyppul kólemi 3, 5 mln teńgeden asady.

Munda kúnine elimizdiń barlyq óńirlerinen jolaýshylar kelip-ketip jatady. Olardyń arasynda esirtki tasymaldaǵan 12 adam ustalǵan. 80-ge jýyq tirkelmegen qarý-jaraq, 60-taı túrli sýyq qarý tárkilengen. Sonymen qatar, Otar men Altynkól temirjol beketteri arasynda 12 adamdy poıyz qaqqan. Oǵan basty sebep temirjol boıynda aspaly kópir az degendi alǵa tartady temirjolǵa jaqyn mańdaǵy turǵyndar. Al tártip saqshylar bolsa, jer asty kópirlerin alys sanap, erinshektik saldarynan qaıǵyly jaǵdaıǵa dýshar bolyp jatady deıdi.

"Mysaly sonyń segizi spırttik ishimdik iship alǵan orta sanattaǵy. Mas kúıinde temirjolǵa shyǵyp ketken. Sonyń saldarynan kórmeı qalǵan. Keıde bolady qulaqtaryna naýshnık qurylǵylaryn salyp alady da, mýzykany qoıyp qoıady, estimeı qalady poıyzdy. Ondaı da jaǵdaı oryn alyp jatqany bar", - deıdi ákimshilik polıııa bólimshesiniń basshysy Jandar Ábdiqaparov.  

 

 

Sońǵy jańalyqtar