18 Qarasha, 22:35 297 0 Saıasat Anar LEPESOVA

Elbasy Janseıit Túımebaevqa birqatar naqty tapsyrmalar berdi

Nursultan Nazarbaev Qazaqstan halqy Assambleıasy Tóraǵasynyń orynbasary Janseıit Túımebaevty qabyldady. Kezdesý barysynda Qazaqstannyń Tuńǵysh Prezıdentine Assambleıanyń atqaryp jatqan jumystary týraly aqparat berildi, dep habarlaıdy Elbasynyń resmı saıty. 

– Assambleıa aldyndaǵy mindetter aıqyn. XXVII sessııada qabyldanǵan sheshimder bar. Prezıdent Qasym-Jomart Toqaevtyń Qazaqstan halqyna Joldaýynyń basym baǵyttary jarııalandy. Endi óńirlik etnomádenı birlestikterdi tarta otyryp  jergilikti jerlerde jumysty ilgeriletý jáne túsindirý mańyzdy. Barlyq oblystarda tıisti jumysty jolǵa qoıý qajet,  - dedi Elbasy.

Sonymen qatar, Nursultan Nazarbaev QHA jumysyn halyqaralyq baǵytta kúsheıtýdiń mańyzdylyǵyna nazar aýdardy.

– Sizdiń tapsyrmalaryńyzdy oryndaý úshin Assambleıa jumysyn jandandyrý boıynsha birqatar shara qabyldandy. Negizgi basymdyqty óńirlerge berdik. Sońǵy 2 aıdyń ishinde 2000-nan astam is-shara ótkizilip, 4,5 mılıonnan astam adam qatysty, - dedi Janseıit Túımebaev.

Kezdesý sońynda Qazaqstan halqy Assambleıasynyń Tóraǵasy Nursultan Nazarbaev birqatar naqty tapsyrmalar berdi.

Sońǵy jańalyqtar