18 Qarasha, 14:36 322 0 Ekonomıka Anar LEPESOVA

Úkimet basshysy úsh mınıstrdi jazalaýdy tapsyrdy

Azyq-túliktiń qymbattaýyna jol bergen aýyl sharýashylyǵy, ulttyq ekonomıka, saýda jáne ıntegraııa vıe-mınıstrleri tártiptik jaýapkershilikke tartylýy tıis. Búgingi Úkimet otyrysynyń sońynda Asqar Mamın osylaı málimdedi. 

"Premer-mınıstrdiń keńsesi meniń atyma úsh kún ishinde azyq-túliktiń qymbattaýynyń aldyn alý máselesine jaýap beretin aýyl sharýashylyǵy, ulttyq ekonomıka, saýda jáne ıntegraııa vıe-mınıstrlerin tártiptik jaýapkershilikke tartý týraly usynys engizsin", - dedi Úkimet basshysy.

Vıe-mınıstrlermen qatar, Shymkent, Qyzylorda, Túrkistan, Almaty, Kókshetaý, Petropavl, Aqtóbe jáne Taraz ákimderiniń orynbasarlary tártiptik jaýapqa tartylmaq.

"Múddeli memlekettik organdar qatarynan jumys tobyn quryp, bir apta ishinde áleýmettik mańyzy bar taýarlardyń baǵasyn turaqtandyrý boıynsha qysqa merzimge jáne orta merzimge arnalǵan naqty sharalar ázirlensin. Roman Vasılevıch, jumysty basqarýdy sizge tapsyramyn", - dedi premer-mınıstr.

Asqar Mamın prezıdent úkimet pen ákimdikter aldyna áleýmettik mańyzdy úlken mindet qoıyp otyrǵanyn atap ótti.

"Osy tapsyrmany oryndaýǵa basa nazar aýdaryp, barlyq qajetti sharany shuǵyl túrde iske asyrý qajet. Áleýmettik mańyzy bar taýarlar baǵasynyń ósýine jol bermeý kerek. Memlekettik organdar men ákimderge jaǵdaıdy erekshe baqylaýda ustaýdy tapsyramyn", - dedi ol.

Úkimet basshynyń aıtýynsha, óńirler arasynda eń joǵary baǵa ósimi Shymkent pen Qyzylorda qalalarynda baıqalǵan. Bul eki óńirde 19 taýardyń jeteýi qymbattaǵan.

Al Túrkistan, Almaty, Kókshetaý, Petropavl, Aqtóbe jáne Tarazda 19 taýardyń beseýiniń baǵasy ósken.

"Bul ákimdikter, aýyl sharýashylyǵy, ulttyq ekonomıka, saýda jáne ıntegraııa mınıstrlikteriniń jetkilikti jumys júrgizbeı otyrǵanyn kórsetedi", - dedi Mamın.

 

Sońǵy jańalyqtar