18 Qarasha, 14:09 288 0 Ekonomıka Anar LEPESOVA

Jańa jyldan bastap múlik jáne jer salyǵy biriktiriledi

Qazaqstanda 2020 jyldan bastap jer men múlik salyǵyn biriktirilmek. Bul týraly OKQ-da ótken baspasóz máslıhatynda QR MKK Salyq salý ádisnamasy departamenti dırektorynyń mindetin atqarýshy Dáýlet Jarylǵasynov aıtty, dep habarlaıdy QazAqparat.

«Aldaǵy ýaqytta jeke tulǵalardyń múlik salyǵy men jer salyǵyn tóleýdi jeńildetý kózdelip otyr. Osy maqsatta «QR-nyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasy arqyly salyq elementterin ózgertpesten osy salyqtardy (jer men múlik) biriktirý usynylýda», - dedi Dáýlet Jarylǵasynov.

Onyń aıtýynsha, bul jaǵdaıda jer men múlikke salynatyn salyq jeke-jeke esepteledi. Al salyq tóleýshige bir somamen tóleý usynylady.

«Sol sekildi, zań jobasynda kóp páterli turǵyn úılerdiń ıeleri boıynsha jer salyǵyn alyp tastaý da qarastyrylǵan», - dedi ol.

 

Sońǵy jańalyqtar